Belarus' halqı segizinşi kün qatarınan jappay ereuilge şıqtı. Postsovettik elderde bwrın-soñdı bolmağan auqımdı narazılıq qalay ötti? Belarus'te ädil saylau jäne Aleksandr Lukoşenkonıñ otstavkağa ketuine arnalğan narazılıq jalğasıp jatır. 16 tamız küni bir Minsktiñ özinde «Za svobodu!» («Azattıq üşin!») jalpıwlttıq şeruine 200 mıñnan astam adam qatıstı. Al däl osıdan birer sağat bwrın Lukaşenkonı qoldauğa bağıttalğan mitingte 7 men 30 mıñ aralığında jaqtası (İİM 65 mıñ, Lukoşenko 50 mıñ dep jariyalağan) alañnan tabıldı. Astanadağı jarmaq şeru jäne eldegi twtas narazılıq sizdiñ nazarıñızda.
Belarus'te 9 tamızda prezident saylauı ädiletsiz ötti degen mıñdağan azamattıñ narazılıq akciyası sol küni keşkisin bastalğan.
Jeksenbi 16 tamızğa Minskide jäne özge qalalarda jalpıwlttıq Azattıq şerui josparlanğan. Bwğan wyımdasqan oppoziciya atınan saylauğa tüsken Svetlana Tihanovskaya jäne beyresmi telegram arnaları şaqırdı. Qazirgi tañda oqiğa ornınan habar taratıp jatqan BAQ ökilderi men balama media qwraldarınıñ aqparatınşa, qaladağı bastı mwrajaydıñ alañına şamamen 100-300 mıñ aralığında adam jinalğan.
Sonımen qosa, bügin tüste aytulı narazılıq akciyasımen qatar biliktiñ «Belaya Rus'» degen ataumen qoldau jiını ötti. Resmi derekke qarağanda, 50 mıñğa tarta (biraq täuelsiz sarapşılar men sanaq wyımdarı bwl derekpen kelispeydi, olardıñ esebinşe nebäri 7 mıñnıñ töñireginde — QT) adam qatısqan jiında Belorus'ti 26 jıl basqarğan Lukoşenko mälimdeme jasadı.
Saylau bolğalı Minskide stihiyalıq miting toqtamay twr. Alañğa şıqqan astana halqı saylaudıñ ädil ötpegenin, jüyeden şarşağanın aytadı. Olar «Svetlana Tihonovskayağa bilikti tabıstaudı, akciyada wstalğandar men sayasi twtqındardı dereu bosatudı, beybit elge küş qoldanğan qwqıq qorğau ökilderin jauapqa tartudı» talap etip keledi.
12:10 Minsk / 16:10 Almatı uaqıtımen
Belarus' İİM basşısı Aleksandr Karaev osı uaqıtqa deyingi narazılıq akciyalarında policiyanıñ jarılğış qwraldar qoldanbağanın aytıp, «Biz beybitşilikti qoldaymız», — dep mälimdedi.
12:20 / 16:20
Lukaşenko jaqtastarı aytarlıqtay az boldı, onıñ özinde qoldauşılarınıñ köbi sırt aymaqtan arnayı kelgen. Foto: ERA
Saylaudan keyin tolqudan sekem alıp, Reseyge jüginetinin aytqan Lukoşenko jaqtastarınıñ jiınında söz söyledi. 16 tamız 2020 jıl. Foto: TASS
13:08 / 17:08
Eldi şirek ğasır basqarğan Lukoşenko emociyağa tolı sözinde 1990 jıldardağı «qayırşı» küydegi jwrttı jaqsı künge jetkizgenin bwlday ne alğa tarta söyledi. Tömende tüyin tezisterdiñ audarması (audarma Ashat Qasenğalidiñ Facebook paraqşasınan alındı):
Men mitingterdi qoldauşılardıñ qatarınan emespin, biraq mwnda sizderdi şaqıruğa tura keldi, oğan men kinäli emespin.
KSRO qwlağannan keyin biz qansırağan imperiyanıñ bir bölşegin aldıq. Sonda sizder menen bwl tığırıqtan şığarudı swradıñızdar. Biz şığardıq.
Sender qanday özgeristi qalaysıñdar? Aytıñdar! Erteñ bastaymız.
Terezeden qarañdar, wşaqtar bizdiñ şekaramızdıñ janında wşıp jür. 15 minuttıq jer. NATO tankterin bayqauğa boladı(Pol'şanı meñzese kerek).
Litva, Latviya, Pol'şa jäne ökinişke qaray bauır da dosımız sanalğan Ukraina bizge jaña saylau ötkiz dep bwyıruda.
Bizge bireudiñ tıqpalağan ükimeti kerek emes, bizge öz ükimetimiz kerek jäne biz onı saylaymız.
Meniñ de däl sizderdey balalarım, nemerelerim bar. Men olardıñ osı jerde ömir sürgenin qalaymın.
Biz özimizdiñ qatañ bağıtımızdı wstandıq. 90-jıldarı Konstituciyamızdı jañarttıq. Bwl sayasatımız bireuge wnamauı mümkin.
Biz osı pandemiyada öz jolımızben jürdik, birde bir käsiporındı jappadım. Adamdar osı üşin alğıs aytuda.
Eger bireu osı eldi bergisi kelse, tipti ölip jatsam da rwqsat etpeymin!
Men Qwdaydıñ aldında twrğandaymın, 80% dauıstı bwrmalau degen mümkin emes.
Jaña saylau ötkizeyik deydi, sonda jwmıstı kim isteydi? Jaña saylau ötkizsek - eldi töñkerip alamız, qwlatamız.
O basta olardı(narazı toptı) toqtatu kerek edi, sonda mwnda twrmas ediñder.
Eskertemin–otpen oynap jürsiñder! Sarbazdar, mwğalimder, därigerler, jwmısşılar özderin, jerin qorğauğa qauqarlı.
Mwğalimder men därigerlerge, memlekettik jurnalisterge tiispeñder. Olarğa birdeme bolsa, qatañ jauap beresiñder.
Barlığı bizdiñ tizerlegenimizdi qalaydı. Joq, eşqaşan tize bükpeymiz!
Biz Brest qamalına aynalamız. Eldi eşkimge bermeymiz!
Birinşi prezidentti qwrtsañdar, ol qwrdımnıñ bası bolmaq.
Men tirimin! Öletin oyım joq!
13:33 / 17:33
Lukoşenko jartı sağatqa sozılğan ündeuiniñ soñında «Men sizderdiñ aldıñızda alğaş ret tizerlep twrmın» dedi. Degenmen Mediazona korrespondenti onıñ türegep twrğanın habarladı. Tikeley efirdegi beynejazbağa qarağanda aşuğa minip, qarsılastarın miney söylegen «Bat'kanıñ» minberde twrğanın bayqau qiın emes.
"Jeñis" nışanın körsetip twrğan Lukoşenko özine qarsılardı jazğıra-ayıptay söyledi. Minsk. 16 tamız 2020 jıl. Foto: Tut.by
13:39 / 17:39
Policiya bilik şeruinde «Ket! Qwrı!» dep ayqaylağan er adamdı wstap alıp ketken («MBH media» deregi boyınşa).
13:43 / 17:43
Minsk jäne basqa qalalardağı oppoziciya qoldauşıları Azattıq üşin şeruin bastap ketti. Astanalıq belsendiler alğaş qaqtığıs bolğan «Minsk – batır-qala» memorial taqtasınıñ aldında toptasa bastadı.
13:58 / 17:58
Lukoşenko minberde twrğanda oñ jağında oqqağarlarımen birge ädettegidey kenje wlı Nikolay da twrdı.
14:15 / 18:15
Vladimir Putin senbiden keyin bügin Aleksandr Lukoşenkomen ekinşi ret telefon arqılı baylanıstı. Kreml' baspasöz qızmetiniñ habarlauınşa, Resey tarapı Belarus'tegi jağday uşıqsa, kelisimşart ayasında kömektesuge dayın ekenin rastağan.
14:23 / 18:23
Tut.by resursınıñ habarlauınşa, Minsk qalasındağı memorial taqtanıñ mañına 60 mıñday adam jinaldı.
14:32 / 18:32
Euroradio Lukaşenko jaqtastarı Täuelsizdik alañınan oppoziciya tarapı jinalğan jerge bet alğanın habarladı. Olar narazılarğa qarata «Sayasi jezökşelerge masqara», «Bat'ka üşin!» dep wrandastı.
14:50 / 18:50
«MBH Media» mälimetinşe, narazılar nöpiri 100 mıñğa jetti. «Maya kraina Belarus'» («Meniñ jerim Belarus'») telegram kanalı 300 mıñnan asqanı turalı da derek tarattı.
14:53 / 18:53
Ädil saylaudı talap etken qalıñ top Minsktegi eñ iri kürejoldıñ biri Jeñis dañğılına qaray ağılıp jattı.
Narazılar "aqmaydanşılar" jinalğan alañ. Foto: aşıq derekköz
Aqmaydan belsendileri pozitiv köñil-küyde. Foto: Tut.by
16:08 / 20:08
Lukaşenko qarsılastarınıñ lideri joqtığına qaramay, alqızıl-qızıl tu wstağan köpşilik bir auızdan «Jıve Belarus'» («Belarus' ömir sür!»), «Ket» dep wrandaudı jalğastırıp otır. Sonday-aq, olar «Sayasi twtqındarğa bostandıq», «Biz mal emespiz» degen jazuı bar plakat-bannerler wstap şıqqan.
17:03 / 21:03
Minsktiñ kürejolı Täuelsizdik dañğılınıñ boyımen ondağan adam beybitşilik simvolı alqızıl-qızıl jalaudı köterip jürdi. 16 tamız 2020 jıl. Foto: Anton Motol'ko
18:34 / 22:34
«Biz mıqtı, erkin halıqpız, osınşalıq köp bolıp birikpegen edik! Üreyge berilmey, neşe aluan qorqınışpen kürese bilgen, azattıqqa qadam jasağan ärqaysıñız üşin alğısım şeksiz! Belarus' endi eşqaşan bwrınğıday bolmaydı! Bizdiñ ärqaysımız «Men özgerte alamın» degendi anıq bilemiz», – dedi Kolesnikova.
Oppoziciyanıñ birikken ştab ökili Mariya Kolesnikova azamattardı ädiletti saylau üşin küresuge ündedi. Foto: Tut.by
Jinalğandar «Meniñ qolımnan bäri keledi!» dep wranğa bastı.
Ol Minsktegi narazılıqtar kezinde qaza tapqan Aleksandr Taraykovska, Aleksanda Vihoranı eske ala söyledi. Mwnı köpşilik «Wmıtpaymız, keşirmeymiz!» dep ilip äketti. Oppoziciya ökili, Tihanovskaya jaqtası Kolesnikova narazılar jappay qoldağan eki şarttı qaytalap-şegeley ayttı: sayasi twtqındardı bosatu jäne Aleksandr Lukaşenkonıñ otstavkası.
20:11 / 00:11
Minsk oppoziciyası Täuelsizdik alañın jol qozğalısı üşin bosattı. Miting taray bastadı. Şeruge qatısuşılardıñ sanı köp bolğanına qaramastan, eşqanday qaqtığıs ne tärtipsizdik bolğan joq.
"Minsk - batır qala" ekendigi turalı pikirler tağdırlas postkeñestik elderdiñ äleumettik jelileriniñ arasında köbeydi. Foto: Tut.by
20:26 / 00:26
20:27 / 00:27
Protest ayaqtaldı. Belarus' memmediası birinşi ret mitingter turalı ayta bastadı.
20:28 / 00:28
Mediazona internet basılımınıñ dereginşe, Minsktegi qarsılıq akciyasına qatısıp jatqan mıñdağan narazı barlıq qoqıs-qaldıqtı arnayı qapşıqqa salıp-jiıp jür. Bwl kölemi jağınan ğana emes, eko-mädenieti boyınşa da eñ iri äri joğarı oqiğa retinde sanaladı.
16 tamız küni ötken jiında narazılar tazalıq şarasın meyilinşe saqtauğa tırısqanı bayqaladı. Foto: Mediazona
20:30 / 00:30
Oppoziciya tarapındağı ereuilşiler erteñ tağı da jalpıwlttıq qarsılıq şerui ötetinin habarladı.
20:51 / 00:51
Segizinşi täulikke jalğasqan narazılıqtıñ eñ qarqındı säti qazir ötip jatır. Qatısuşıları köp Minsktiñ özinde Tut.by esebinşe 200 mıñnan kem emes adam bar. Tap osı sätte Belarus'te ekpin alğan narazılıq akciyası 28 qalada jürip jatqanı belgili boldı. Olar:
Grodno,
Baranoviçi,
Vitebsk,
Gomel',
Mogilev,
Mozır',
Molodeçno,
Svetlogorsk,
Svisloç',
Brest,
Krugloe,
Pinsk,
Prujan,
Kleck,
Kalinkoviçi,
Ivanceviçi,
Novogrudka,
Orşa,
Osipoviçi,
Rakov,
Rogaçev,
Sluck,
Smoleviçi,
Soligorsk,
Bereza,
Borbuysk,,
Jlobin,
Kobrin
21:30 / 01:30
Tut.By habarlauınşa, «Belarus'kaliya» jäne «Naftana» sekildi iri käsiporın jwmısşıları jalpıwlttıq ereuilge erteñ, yağni 17 tamız küni sağat 8:00-den qosılatının habarladı.
21:09 / 01:09
Brest qalasında osığan deyingi narazılıqtar kezinde wstalğandar bosatılıp jatır.
https://twitter.com/mediazona_by/status/1295073751311290369?ref_src=twsrc%5Etfw%7Ctwcamp%5Etweetembed%7Ctwterm%5E1295073751311290369%7Ctwgr%5E&ref_url=https%3A%2F%2Ftvrain.ru%2Fteleshow%2Fprjamaja_transljatsija%2Fprotesty_v_belarusi_posle_vyborov_den_vosmoj_hronika-514437%2F
21:21 / 01:21
Belarus' İİM baspasöz hatşısı Ol'ga Çemodanova TASS agenttigine bergen jauabında:
«Operativti-kezekşilik qızmetiniñ deregi boyınşa, jeksenbi küni wstalğan ne qamalğandar turalı aqparat joq», — dep habarladı.
Degenmen ärtürli aqparat közderi qalanıñ är twsında jappay bolmasa da, ondağan adamdı wstau jürip jatqanın habarlap ülgerdi.
Belarus'te toqtamay twrğan narazılıq aptasınıñ 8-şi künindegi Lukoşenko jaqtastarı men özgeris qalağan köpşiliktiñ şerui qalay ötkeni jöninde tolığıraq Dojd' arnasınıñ segiz sağatqa sozılğan arnayı şığarılımınan köre alasızdar:
(aqparat tolıqtırıldı)
Şerzattıñ ölimi isine qatıstı qwpiya videonı jariyalau kimge kerek boldı? – Sarapşılar media sını
24 qazan – Kitaphanaşılar merekesi qwttı bolsın!
«Uçaskeden äruaqqa kök hat»: Almatıda marqwmğa kelgen şaqırtu
Komissiya men baqılauşı esebindegi ayırmaşılıq: Almatıda referendum qalay ötip jatır?
"Ädil Qazaqstan, estitin memleket" endi advokattarğa qısım jasay bastadı ma?
«Psevdo-bayqauşı» älde käsibi baqılauşı: Referendumdı kim baqılaydı?