Düniejüzilik Densaulıq saqtau Wyımı Reseyge koronavirusqa qarsı vakcina şığaruda bayıptı boludı eskertti. Halıqaralıq wyım Reseydiñ bwl bağıttağı jwmıstarı tım asığıs jasalıp jatqanın aytuda.

Resey qazan ayında koronavirusqa qarsı jappay emdeudi bastaytının mälimdegen. Eldiñ Densaulıq Saqtau Ministrligi klinikalıq sınaqtardıñ sätti ötkenin aytqan. Resey ükimeti aldımen virusqa qarsı jappay emdeudi därigerler men mwğalimderden bastaudı josparlap otır.

Alayda, DDW ökili Kristian Lindmayer Reseydı klinikalıq sınaqtardı tım asığıs ötkerdi dep esepteydi. "Halıqaralıq erejeler men praktikalar bar. Vakcina nemese medicinalıq preparattar birneşe retki klinikalıq sınaqtar men tekseruden ötui tiis. Sodan keyin ğana licenziya berilip, onı qoldanuğa boladı", – deydi Lindmayer.

Al, AQŞ-ta jasalıp jatqan vakcina jıldıñ soñına qaray dayın bolatını mälim boldı. Qwrama Ştattağı virusolog mamandar Qıtay men Reseydi koronavirusqa qarsı vakcina şığaruda tolıq klinikalıq sınaqtan ötkizuge şaqırğan bolatın.

Bwğan qosa Reseyde koronavirusqa qarsı vakcinanıñ dayın bolğanına kümänmen qaraytın ekspertter de bar. Densaulıq saqtau salasınıñ keybir resmi ökilderi klinikalıq sınaqtı tezdetu üşin mañızdı erejelerdiñ saqtalmay jatqanın rastaydı.

Reseydiñ klinikalıq sınaq jalpılastırğanı turalı mälimetter mülde aşıq jariya emes. Sondıqtan, klinikalıq sınaqtardıñ kölemi men nätijesi turalı anıqtau qiın.

Qazir älemde pandemiyağa qarsı kürespen birge virusqa qarsı vakcina dayındau jarısı da jürip jatır. Älem tap bolıp otırğan indetke qarsı virustı kim aldımen öndirse onıñ halıqaralıq sayasi-ekonomikalıq, diplomatiyalıq ıqpalınıñ arta tüspek. Älem elderi mwnay biik abıroy bäske  tigilgen jarısta jüldeli boluğa bar küşin saluda.

"The Qazaq Times"