دۇنيەجۇزىلىك دەنساۋلىق ساقتاۋ ۇيىمى رەسەيگە كوروناۆيرۋسقا قارسى ۆاكتسينا شىعارۋدا بايىپتى بولۋدى ەسكەرتتى. حالىقارالىق ۇيىم رەسەيدىڭ بۇل باعىتتاعى جۇمىستارى تىم اسىعىس جاسالىپ جاتقانىن ايتۋدا.

رەسەي قازان ايىندا كوروناۆيرۋسقا قارسى جاپپاي ەمدەۋدى باستايتىنىن مالىمدەگەن. ەلدىڭ دەنساۋلىق ساقتاۋ مينيسترلىگى كلينيكالىق سىناقتاردىڭ ءساتتى وتكەنىن ايتقان. رەسەي ۇكىمەتى الدىمەن ۆيرۋسقا قارسى جاپپاي ەمدەۋدى دارىگەرلەر مەن مۇعالىمدەردەن باستاۋدى جوسپارلاپ وتىر.

الايدا، ددۇ وكىلى كريستيان ليندمايەر رەسەيدى كلينيكالىق سىناقتاردى تىم اسىعىس وتكەردى دەپ ەسەپتەيدى. "حالىقارالىق ەرەجەلەر مەن پراكتيكالار بار. ۆاكتسينا نەمەسە مەديتسينالىق پرەپاراتتار بىرنەشە رەتكى كلينيكالىق سىناقتار مەن تەكسەرۋدەن ءوتۋى ءتيىس. سودان كەيىن عانا ليتسەنزيا بەرىلىپ، ونى قولدانۋعا بولادى", – دەيدى ليندمايەر.

ال، اقش-تا جاسالىپ جاتقان ۆاكتسينا جىلدىڭ سوڭىنا قاراي دايىن بولاتىنى ءمالىم بولدى. قۇراما شتاتتاعى ۆيرۋسولوگ ماماندار قىتاي مەن رەسەيدى كوروناۆيرۋسقا قارسى ۆاكتسينا شىعارۋدا تولىق كلينيكالىق سىناقتان وتكىزۋگە شاقىرعان بولاتىن.

بۇعان قوسا رەسەيدە كوروناۆيرۋسقا قارسى ۆاكتسينانىڭ دايىن بولعانىنا كۇمانمەن قارايتىن ەكسپەرتتەر دە بار. دەنساۋلىق ساقتاۋ سالاسىنىڭ كەيبىر رەسمي وكىلدەرى كلينيكالىق سىناقتى تەزدەتۋ ءۇشىن ماڭىزدى ەرەجەلەردىڭ ساقتالماي جاتقانىن راستايدى.

رەسەيدىڭ كلينيكالىق سىناق جالپىلاستىرعانى تۋرالى مالىمەتتەر مۇلدە اشىق جاريا ەمەس. سوندىقتان، كلينيكالىق سىناقتاردىڭ كولەمى مەن ناتيجەسى تۋرالى انىقتاۋ قيىن.

قازىر الەمدە پاندەمياعا قارسى كۇرەسپەن بىرگە ۆيرۋسقا قارسى ۆاكتسينا دايىنداۋ جارىسى دا ءجۇرىپ جاتىر. الەم تاپ بولىپ وتىرعان ىندەتكە قارسى ۆيرۋستى كىم الدىمەن وندىرسە ونىڭ حالىقارالىق ساياسي-ەكونوميكالىق، ديپلوماتيالىق ىقپالىنىڭ ارتا تۇسپەك. الەم ەلدەرى مۇناي بيىك ابىروي باسكە  تىگىلگەن جارىستا جۇلدەلى بولۋعا بار كۇشىن سالۋدا.

"The Qazaq Times"