4 tamız küngi Ükimettiñ selektorlıq otırısında jaña 2020-2021 oqu jılınıñ bastaluına dayındıq mäselesi qaraldı. Foto: QR prem'er-ministriniñ resmi aqparattıq resursı

Seysenbi küngi, 4 tamızda ötken Ükimet otırısınıñ kün tärtibinde qarastırılğan eki mäseleniñ birinde jaña 2020-2021 oqu jılınıñ bastaluına dayındıq turalı ministr Ashat Aymağambetov pen öñir äkimderi mälimdeme jasadı.

Bilim ministri Ashat Aymağambetovtiñ sözinşe, epidemiologiyalıq jağdayğa baylanıstı 1 qırküyekten bastap oqu jılı qaşıqtan jürgiziledi. Eki erekşelik bar. Birinşiden, indet jağdayı oñalsa, şalğaydağı eldi mekenderdegi şağın jinaqtalğan mektepter oqudı dästürli türde bastaydı. Ekişiden, ata-analardıñ ötinişi boyınşa bastauış sınıp oquşıları üşin kezekşi sınıptar aşıladı. Bwl kezde 15 oquşı bir kabinette bir mwğalimmen ğana oquşı. Üzilis uaqıttarı ärtürli bolmaq.

– Sonımen bizdiñ boljauımızşa, 2,6 mln oquşı internet-teledidar arqılı qaşıqtan, 530 mıñ bala kezekşi sınıptardı, 157 mıñnan astam oquşı ştattıq formatta oqidı.

Ata-analardıñ qalauına qaray mektepke deyingi bilim beru (bir topta 15 adamğa deyin) jäne qosımşa bilim beru (5 adamğa deyin) bağıttarında da kündizgi oqu türi jüredi. Erekşe balalarğa bilim beretin arnayı oqu orındarında onlayn-keñes beru nemese aldın-ala jazılu arqılı jüredi. Oqu ornına barıp oqitındardıñ barlığına sanitarlıq talaptardı qatañ saqtau mindetteledi, – dedi ministr.

2020-2021 oqu jılında Qazaqstannıñ 7 391 mektebinde 3,3 millionnan astam oquşı, onıñ işinde 1 sınıpta 396 mıñnan astam bala bilim aladı. Qazirgi jağdayda oqu jılınıñ birinşi toqsanı qaşıqtan ötedi. Oqıtudıñ dästürli formatı barlıq sanitarlıq normalardı qatañ saqtay otırıp, tek şağın formattağı mektepterde, sonday-aq  bastauış mekteptiñ «kezekşi» sınıptarında saqtaladı. Sonday-aq orta jäne joğarı oqu orındarına qatıstı söz boldı.

– Pedogogikalıq, İT, äleumettik, gumanitarlıq bağıttağı mamandıqta oqitın kolledj studentteri qaşıqtan oqidı. Al tehgologiyalıq, agrarlıq, medicina jäne öner bağıttarı boyınşa aralas oqıtu wsınıladı. Säykesinşe, zerthanalıq jäne öndiristk jwmıstardı ştattıq rejimde ötkizuge rwqsat etiledi. JOO-da da osığan wqsas formatta ötedi. Magistratura men doktoranturada da aralas oqu türi jalğasadı, – dep mälimdedi Aymağambetov.

«Jergilikti äkimdikter ministrlikpen birlesip memlekettik satıp alu şarasın jürgizip jatır. Tahnika jağınan ülken tapşılıq barın aşıq aytu kerek» degen ministrdiñ sözin ükimet basşısı Asqar Mamin qoldağanday boldı.

«Ükimet asa mwqtaj otbasılardıñ balalarına paydalanu üşin şamamen 500 mıñ komp'yuter berudi qamtamasız etedi. Sonday-aq äkimdikter jergilikti deñgeyde komp'yuter tehnikasımen qamtamasız etu mäselesin pısıqtasın», — dedi prem'er-ministr.

Qısqa qayırğanda, jospar boyınşa 25 tamızğa deyin oqulıqtar tolıqtay berilip, qaşıqtan oquğa paydalanatın onlayn kontent materialdar dayın boluı tiis. Oqulıqtıñ bärinde mindetti türde elektrondı nwsqası jäne onıñ qoljetimdi boluı qajet.

Onmıñdağan tehnikanı satıp aludı jürgizuge jauaptı ministrlik pen äkimdikterdiñ memleket qarajatın dwrıs jwmsap, soñı ekonomikalıq qılmısqa aynalmaytınday bolsa degen el tilegi bar. Aldağı uaqıtta millirdtağan qarajattıñ jwmsaluın redakciya baqılauğa alatın boladı.

   "The Qazaq Times"