Foto: original.com

Koronavirus sadarınan älemde jwmıssızdıq deñgeyi edäuir artıp, ärbir besinşi maman qızmetsiz qalğan. Bwl turalı BWW habarladı.

Qazir älemdegi ärbir besinşi jas jwmıssız qalğan. Pandemiya jastarğa bilim beru procesi men mamandar dayarlau jağın twralattı. BWW ökilderi barlıq memleket şwğıl şara qabıldamasa, bwl mäsele ondağan jılğa sozılıp ketui mümkin deydi.

BWW Bas ekonomisi Elliot Harris: «Soñğı 20 jıl boyı bükil älem jastarınıñ 20 procenti jwmıssız jür jäne käsiptik-tehnikalıq bilim almay keledi. Ol azday, koronavirus örşip, eñbek narığındağı jağdaydı odan da beter uşıqtırıp jiberdi. Bizde 15 jıl işinde jastarğa 600 million jwmıs orının qwru josparı bolğan. Pandemiya bastalmay jatıp, ol tolıq orındalmay kelgen edi. Endi qazirgi jağdayda bwl körsetkişterge jetu qiın boları sözsiz», – deydi.

Mälimetter boyınşa, dağdarısqa deyin jası 29-ğa kelmegen 178 million adam pandemiyadan eñ köp zardap şekken sektorlar – bölşek sauda men turizm salasında eñbek etken. Biraq olardıñ 77%-ı zañsız jwmıs istegen.

"The Qazaq Times"