Qazaqstanda bir täulikte 1348 adam Covid-19 virusın jwqtırğan. Onıñ 456-sı simptommen, 883-i simptomsız bolıp tirkeldi deydi resmi aqparat közderi.

Qazir elde jağdayı auır jäne asa auır nauqastardıñ qatarı artıp keledi. Äsirese, pnevomaniya dertine şaldıqqan nauqastardıñ jağdayı müşkil. Bir ğana Almatı qalasında pnevmoniyamen auıratın 424 adam gospital'da jatır. Tağı 980 nauqasta pnevmoniyamen qosa koronavirus infekciyası da anıqtalğan. Ökpeni jasandı jeldetu apparatına jağdayı auır 11 nauqas qosılğan.

Mwnımen qosa Almatı twrğındarı pandemiya kezinde qaytıs bolğan tuıstarınıñ mäyitine qatıstı qiındıqtarğa tap bolğan. Twrğındar mäyitten infekciya tabılmasa da, marqwmnıñ jerleu räsimi üşin kedergi jiilep ketti dep şağımdanadı. Bwğan qosa, morgter men dini qızmet wyımdarı qaytıs bolğan adamda infekciya bolmağandığı turalı anıqtama bolsa ğana mäyitti qabıldauğa dayınbız degen.Al, marqwm adamnıñ tuıstarı anıqtama alıp ülgergenşe künniñ ıstıqtığına baylanıstı mäyitter iistene bastağan. Osığan qatıstı qalanıñ bas sanitar därigeri Jandarbek Bekşin auruhanadan tıs jerde qaytıs bolğan adamdardı koronavirus testinen ötkizbeymiz dep mälimdedi.

Ministrliktiñ soñğı deregi boyınşa elde infekciyanıñ klinikalıq belgisi bar 19 750 adam tirkelip, 140 adam qaytıs bolğan. Al emdelip şıqqandar sanı 12 220-ğa jetti deydi bilik ökilderi.

"The Qazaq Times"