Tramp Oklahomda jaqtastarımen kezdesi. Foto: BBC

Älemdegi eñ iri ekonomikası AQŞ koronavirus indeti kezindegi joğaltularınıñ ornın birtindep toltıra bastadı. Keybir amerikalıq BAQ «dağdarıs bastalmay jatıp ayaqtaldı» dep börigin aspanğa atıp jatır. Alayda, ekonomister olay qaramaydı.

Ekspertterdiñ sözine sensek, indet kezindegi ekonomikadağı joğaltulardıñ ornı tolu üşin köp uaqıt ketedi, sondıqtan da quanuğa äli erte. Qazir älemde indet jwqtırğandar eñ köp tirkelgen el de Qwrama Ştattar. Bwl jağday qaraşada bolatın prezident saylauına äser etpey qalmaydı. Aq üy tarabı bwl keleñsizdikten sätke bolsa da mwrsat alu üşin ekonomikadağı jaqsı jañalıqtı basa körsetip jatır.

Tramp ekonomikadağı jaqsı jañalıqtı saylauşılarmen wzağınan bölisti. «Sizderdiñ kiristeriñiz biraz azayıdı. Biraq, biz keyingi toqsanda bärin qayta qayta toltırdıq. Bizdiñ fudamentaldı ekonomikamız bar. Aldağı üşinşi toqsanda bizdi keremetter kütip twr. Egerde 3 qaraşada (saylau küni) kezdeysoqtıq jasamasaq, onda kelesi jılı bizdiñ ekonomikamız tarihtağı eñ ğajayıp jağdaydı jasaydı», – dedi Tramp saylauşılarmen kezdeskende.

Onıñ bwlay aytuına şınında sebepter bar. Soñğı 11 aptada jwmıssızdar birtindep azayıp, öndiris jandana tüsti. Biraq, AQŞ Ortalıq bankiniñ basşısı Jerom Pauell Trampqa wqsas quanğan joq. Ol ekonomikanıñ qaşan tolıq qalpına keletinin boljau mümkin emes dep qaraydı. Tramp amerikalıqtardı süyinşilegen körsetkişterdiñ özinen Pauell birqatar tüytkildi twstardı tauıp şıqtın. Ol 45 mln amerikalıqtıñ järdemaqı swrap otırğanın alğa tartqan. Onıñ üstine öndiris mamır ayında jandana tüskenimen bwrınğıday 15 payız tömen deñgeyde qalıp otır.

Tramp bilikke kelerde el ekonomikasın 5-6 payızğa deyin ösirudi uäde etken bolatın. 2018 jılı ekonomikalıq ösim 3 payızğa da jetpey qaldı. 2019 jılı bolsa 2,3 payız ğana ösim körsetti. Biraq, Tramp bilik qwrğan kezdegi älemdik jağdaydı da eskerse, saylau nätijesine äser etui de mümkin. AQŞ ekonomikasında qalpına kelu procesi bayqalğanımen quattı stimulyator bolmasa dağdarıstan oñay ötip ketu mümkin emes deytin ekonomister de köp.

“The Qazaq Times”