Qazaqstanda endi Covid-19 pandemiyası tudırğan epidemiologiyalıq ahualdı bağalaudıñ jaña kriyterileri engiziledi. Bwl jayında Densaulıq saqtau vice-ministri Läzzat Aqtaeva ükimet otırısında mälimdedi.

Jaña qosımşa boyınşa eldegi karantin rejimin küşeytu R koefficenti boyınşa jäne nauqastarğa arnalğan orındardıñ bar-joqtığına qaray anıqtaladı. Osığan deyin ükimet karantin şaraların küşeytu ne jwmsartu şeşimderin eldegi nauqastar sanınıñ artıp-kemuine qaray qabıldap kelgen.

R koefficenti bir nauqastıñ orta eseppen qanşa adamğa virus jwqtıruı mümkin ekendigin körsetedi. Läzzat Aqtaevanıñ sözi boyınşa "Eger R körsetkişi 1,3-ten assa nemese ol 1,15 pen 1,3 aralığında bolıp, infekciyalıq stacionarlardıñ 70-ten astamı bos emes bolsa, karantin şaraların küşeytu kerek boladı. Nemese stacionardağı orındardıñ 90 payızı bos emes bolsa, R-ğa qaramastan karantin şaraları küşeytiledi". Karantin şaralarınıñ jwmsaruı üşin stacionarlardıñ kem degende 50% bos boluı jäne R koefficentiniñ körsetkişi 1-ge teñ boluı kerek. Degenmen, Covid-19 virusın jwqtırıp,auruhanağa tüsken densaulıq saqtau ministri Eljan Birtanovtıñ mindetin atqaruşı Läzat Aqtaeva eldegi stacionarlardıñ nauqas qabıldauğa qanşalıqtı qauqarlı ekeni jäne R körsetkişi jayında aqparat bermedi.

Osı aptada Densaulıq saqtau ministrliginiñ qızmetkerleri Astana men Almatı qalalarındağı infekciyalıq stacionarlardıñ 90-95% bos emes dep mälimdegen. Sonımen qatar atalğan qala twrğındarı koronovirus infekciyasına test tapsırudıñ da qiın ekenin aytıp şağımdanğan.

Astana men Almatı qalalarındağı blok-beketter alınğannan keyin elde koronavirus jwqtırğandardıñ sanı kürt östi. Al, densaulıq saqtau ministri Eljan Birtanov virus öziniñ şırqau şegine säuir ayında jetedi dep boljağan edi. Nauqastardıñ köbeyuine baylanıstı eldegi auruhanalar keybir auru belgisi bar adamdardı qabılday almaytının jetkizgen. Juırda densaulıq saqtau şeneunikteri tek jağdayı auır nauqastardı ğana auruhanağa jatqızatının moyındadı.

Eldegi soñğı resmi aqparat boyınşa koronavirus jwqtırğandardıñ sanı 23 960 adamğa jetken, onıñ işinde 7609 adamnan infekciya simptomdarı bayqalmağan. Infekciyadan qaytıs bolğandar sanı 105 adamğa jetip otır.

"The Qazaq Times"