Bügin tañerteñ Almatı oblısı Wyğır audanı Şonjı auılında qaqtığıs şığıp, bes adam pışaqtaldı degen beyresmi aqparat taradı.

Beyresmi aqparattar boyınşa, eki kün bwrın qazaq-wyğır jastarı arasında janjal tuıp, töbelesken. Saldarınan bes adam pışaqtalğan. Onıñ üşeui qazaq, ekeui wyğır azamatı. Osı mäselege baylanıstı auıl jastarı Jastar äkimşiligine jinalğan. Qazirgi uaqıtta oblıs äkimi Şonjıda jinalıs ötkizip jatır. Jinalısta audan atauın özgertu wsınılğan. Atalğan mäseleni zertteu maqsatında tilşimiz oqiğa orın alğan jerge jöneltildi. Tolıq, rastalğan aqparattı aldağı uaqıtta saytımızdan oqi alasızdar.

9 mausımda saytımızda Wyğır audanındağı mäsele boyınşa Almatı oblısınıñ äkim Amandıq Batalovtıñ nazarına arnayı material jariyalanğan bolatın. Materialda Wyğır audanına qarastı Aqtam jäne Tiirmen auıldarındağı wltaralıq tatulıqqa jik tüsirui mümkin jayttar turasında bayan etildi. Sonıñ negizinde audan köleminde ideologiya, jastar tärbiesi, jastardı otansüygiştikke baulu isteriniñ aqsap twrğanın eskertip, wltaralıq arazdıq tudıruı mümkin ıqtimal qaterler jöninde oblıs äkiminiñ nazar audaruın talap etken edik. Keyinnen oblıs äkiminiñ baspasöz hatşısı Ğalmwrat Jükel redakciyamızğa Wyğır audanındağı mäsele boyınşa oblıs tarabınıñ resmi jauabın berdi.

Resmi hatta: «Wyğır audanındağı mäselege qatıstı oblıstıq komissiya qwrılıp, öñirde jwmıs jürgizdi. Nätijesinde Aqtam orta mektebiniñ direktorı Izmahunov Oktyabr' Turganoviç, direktordıñ tärbie isi jönindegi orınbasarı Qapsalamov Mwqametqali lauazımdarınan bosatıldı. Sonımen birge atalmış mekteptiñ biologiya päniniñ mwğalimi Kaharova Türdibuvi de qızmetinen bosatıldı. Bwdan bölek Aqtam auıldıq okrugi äkimi apparatınıñ sport jönindegi ädisker- nwsqauşısı Kamaev Sabirjan Sunyacunoviç jäne Tiirmen auıldıq okrugi äkimi apparatınıñ jastar isi jönindegi ädisker- nwsqauşısı YAkyarova Umida qızmetinen bosatıldı», – delingen.

"The Qazaq Times"