Kündiz 9 jäne 10 sınıp oquşıları arasında bolğan töbeles tünge qaray qazaq-wyğır eresekteriniñ arasındağı dauğa wlasqan. 27 qazan 2021 jıl. Foto: äleumettik jelide tarağan videolardan skrinşot

Almatı oblısında «wltaralıq qaqtığıs» retinde sipattala bastağan Penjimdegi oqiğa turalı bilik ökilderi resmi tüsinikteme berdi.

Panfilov audanınıñ äkimi Talğat Ömiräliev särsenbi küni Penjim auılında bolğan oqiğanı «jastar bwzaqılığı» dep atağan. Beysenbi kündiz «Mädeniet üyinde» ötken jiın barısınan tikeley efirde aqparat taratqan Azattıq radiosınıñ mälimetine qarağanda, ondağan balanıñ arasında bolğan töbelesten bir bala jaraqat alğan.

«Ol neden şıqtı? Rozıbakiev atındağı mektepte balalar töbelesip qalıp, bir bala auruhanağa tüsken. Jaraqat alğan, bala aman-esen. Men bügin kirip şıqtım. Bas därigerdi kördik. Ayaq-qolı sau, sözi dwrıs, tünde operaciya jasadı. Basınan jaraqattanğan. Gematomanı alıp tastadı. Balanıñ özimen söylesken kezde «jağdayım jaqsı, bäri dwrıs» dedi. Sol üşin tünde jastar wlttıq mäseleni köterip jinalğan. Bwl jerde wlttıq mäseleniñ eş qatısı joq. Oblıs äkiminiñ tapsırmasımen ştab qwrıldı» degen audan äkimi Ömiräliev

Wltı qazaq dep aytılatın zardap şekken 16 jastağı joğarı sınıp oquşısı Panfilov audanaralıq köpsalalı auruhanasına tüsken. Därigerlerdiñ aytuınşa, auır därejeli aşıq bas süyek-mi jaraqatı diagnozı qoyılğan.

Qazannıñ 27-si on mıñnan asa qazaq-wyğır aralas twratın Penjim okrugi orta mektepteriniñ birinde oquşılar töbelesip, ayağı tärtipsizdikke aynalğan. Äleumettik jelilerde oqiğa qatısı bar degen birneşe video jariyalanğan. Tünde 30 şaqtı adam jinalıp, key üydiñ äynegin şaqqan, kölikterdi büldirgen. Policiya tünde jastardı taratqanın aytadı. Sonımen qosa, «Toppen jasalğan bwzaqılıq» babı boyınşa qılmıstıq is qozğalğan. Qanşa adamnıñ wstalğanı belgisiz.

Qazaq-qıtay şekarasınıñ tübinde ornalasqan auıldıñ «ülkenderi» men jergilikti biligi «eki balanıñ şekisi üşin bütin eldi bülikke wşıratu orınsız» dep esepteydi.

Köpşilik jiında söylegen jergilikti twrğındar wltaralıq qaqtığıstıñ üşinşi ret qaytalanıp otırğanın aytadı. Keybir twrğındar qazaqtar «ünemi tayaq jep, keyinnen keşirim beruge» ädettengenin alğa tarttı. Wyğır wltınıñ atınan birneşe azamat keşirim swrap, pikir bildirdi. Jinalısta söz alğan aytısker Jandarbek Bwlğaqov «Eşkim zañsız qudalanbauı kerek jäne şañıraqqa qarap, qazaqtı sıylauğa mindetti» degen talap qoydı.

The Qazaq Times