"Ünsiz" narazılıqtıñ üni. Astana, 8 mausım, 2020 jıl. Foto: Sputnik / Vladislav Vodnev

Astanada köpbalalı analar ünsiz narazılıq akciyasın ötkizdi.

Eñbek jäne halıqtı äleumettik qorğau ministrliginiñ aldına kelgen 15 şaqtı äyel öz şağımın platkatqa jazıp bildirdi.

Sonıñ işinde bastapqı jarnasız jäne jaldamalı baspana beru, är balağa 21 mıñ teñge beru, mwqtaj halıqtıñ kreditin keşiru siyaqtı naqtı talaptar bar. Bwdan özge, köpbalalı analar vakcinağa qarsı ekenin bildirdi. «Aştıq jariyalaymız!» degen plakat ta bar. Köpbalalı analar naqtı şara qolğa alınbasa, aştıq jariyalap, ünsiz pikette otıra beremiz deydi.

Qala äkiminiñ keñesşisi Däuren Babamwratovtıñ aytuınşa, jergilkti bilik piketke şıqqan ärbir anamen jeke-jeke kezdesuge dayın. Keñesşi piketke şıqqandarğa baspananıñ berilmeu sebebin tüsindirip jatqanın ayttı.

«Qazir elordada üy kezeginde 46 mıñnan astam adam twr. Biraq bir närseni tüsinu kerek, 2008-2010 jıldardan beri üy kezeginde twrğan azamattar bar. Olar äli üy alğan joq. Al bwl kisilerdiñ köpşiligi 2019 jılı kezekke twrğan», – dedi Babamwratov.

Onıñ sözine qarağanda, piketke şıqqan analar «Baqıttı otbası» bağdarlaması arqılı kredittik baspana aluğa qwqılı. Biraq onıñ özi kezek boyınşa beriledi.

«Astanada «Baqıttı otbası» boyınşa 2,6 mıñnan astam adam ötiniş bergen. Olardıñ 414-i joldama alğan. Twrğın üy qwrılıs jinaq banki barlığına birdey kredit bermeydi. YAğni, onıñ işinen tağı artıluı mümkin. Sonda odan keyin kezekte twrğan azamattarğa ülestiriledi. Qala äkimşiligi «Baqıttı otbası» boyınşa kvotanı wlğaytu mäselesin köterip jatır», – degen şeneuniktiñ sözi köpti ilandıra almadı.

Bıltır aqpan ayınan beri Qazaqstannıñ köpbalalı jäne mügedek bala tärbilep otırğan äyelder biliktiñ jürgizip otırğan äleumettik sayasatına köñili tolmaytının, eñ äueli baspana jäne nesie mäselesin şeşip beruin talap etip, ärtürli narazılıq jiındarın ötkizip keledi. Dese de osığan wqsas, keyingi jılı beleñ alğan qarsılıq köñil-küydiñ küşeygenine qaramastan, äli künge deyin eldiñ twrmısı men äl-auqatın arttıratın jüyeli-irgeli mehanizm jasalıp bolğan joq.

"The Qazaq Times"