Bügin, 6 mausımda Almatı qalasındağı Dostıq köşesi boyında äkimşilik tarabınan "dezinfekciyalanğan" miting ötti. 

Narazılıq şarası tirkelmegen Demokratiyalıq partiya men elde tıyım salınğan QDT tarapınan wyımdastırıldı.

Alayda,  atalğan wyımdardıñ jaqtauşıları degen jerine jete almadı. Policiya "Abay" alañı men oğan jaqın birneşe köşeni jauıp tastağan.

Almatı äkimdik ökilderi bwl jerlerde indetke baylanıstı dezinfekciya şaralarınıñ jasalıp jatqanın alğa tarttı.

Tüski sağat 11:30 şamasında "Qazaqstan" qonaq üyiniñ janında alañğa barmaq bolğan narazı top köbeye tüsti. Policiya jasağı är taraptan kelgen adamdardı bir-birine qospay, joldarın bögep twrdı.

Osı kezde arnayı kölikter men qızmetkerler jwrtşılıq jinalğan jerlerde dezinfekciya jwmıstarın jürgizdi.

Tilşilerimizdiñ mälimetine qarağanda,  atalğan alañğa jaqın birneşe köşeniñ qiılısında policiya onnan astam adamdı wstağan.

11:00 şamasında bastalğan narazılıq şarası 16:00-ge qaray tarqadı.

"The Qazaq Times"