Bügin tüsten bwrın Cay Iıñvın hanım Tayuan (Tayvan') prezidenti retinde ant berip, ekinşi ökiletti merzimin resmi türde bastadı. Bıltır Beyjiñ tarabınıñ qarsılığı men qısımdarına qaramastan demokratiyalıq küşterdiñ ökili jäne araldıñ derbestigin jaqtauşı Cay Invın prezident saylauında basım dauıspen jeñip şıqqan.

Soñğı kezderi onıñ ükimetiniñ halıqaralıq qauımdastıq aldındağı bedeli artıp keledi. Pandemiyağa qarsı küreste Tayuan ükimeti tabıstı nätijeler körsete aldı. Qıtaymen arasın 100 mil' qaşıqtıqtağı Tayuan bwğazı bölip jatqan aral halqınıñ sanı 23 millionnan asadı. Jaña koronavirus infekciyası Tayuan men AQŞ-ta bir künde tirkelgen. Alayda, Tayuan virusqa şaldıqqandar sanı eñ az elderdiñ biri bolıp qaldı. Elde 440 adam ğana koronavirus infekciyasın jwqtırğan jäne onıñ jeteui qaza tapqan. Sonımen bir uaqıtta infekciya tarağan AQŞ-tıñ jağdayı bwl künde älemge belgili.

Öz mälimdemesinde AQŞ mem. hatşısı Mayk Pompeo prezident Cay men onıñ ükimetiniñ indetke qarsı şaraların jäne nätijesin asa joğarı bağalağan. Ol mälimdemesinde prezident Cay turalı: «Tayuandağı demokratiyanıñ örkendeuine etken qızmeti men jasağan batıl qadamı älemge şabıt berdi», – degen bolatın.

Beyjiñ tarabı prezident Caydıñ inauguraciyasın birden sınğa aldı. Ayıptaulardıñ arasında bilik partiyası indet jağdayın Tayuannıñ derbestik mäselesin alğa jıljıtu üşin paydalanıp otır degen sözder de bar. Beyjiñniñ Tayvan' memlekettik ister basqarmasınıñ ökili Ma Syaoguan pikirinde: «Olar Tayuan bwğazındağı beybitşilikti bwzu jäne epidemiya arqılı täuelsizdikke jetu üşin sırtqı küştermen baylanıs jasauda», - degen.

“The Qazaq Times”