Saud Arabiyasınıñ generalı Londonda. Foto: Middle-East-Eye

Saud Arabiyasınıñ generalı  Eşli Wlıbritaniyadağı is-saparı kezinde ereuilşilerdiñ qattı qarsılığına wşırağan bolatın. Narazılıq tanıtuşılar Saud Arabiyasınıñ generalına qaratıp jwmırtqa laqtırğan. Wlıbritaniya sırtqı ister ministri Boris Jonson osı is üşin Saud Arabiyasınıñ mwrager hanzadası Mwhammed ben Salmannan arnayı keşirim swradı.

Saud Arabiyasınıñ baspasöz agenttiginiñ habarına qarağanda, 2 säuir küni, Wlıbritaniya sırtqı ister ministri  Jonson Saud Arabiyasınıñ taq mwragerine arnayı qoñırau ereuilşilerdiñ jasağan äreketteri üşin keşirim swrağan.

Saud Arabiyasınıñ taq mwrageri jäne Wlıbritaniya sırtqı ister ministri. Foto: Middle Est Eye

Saud Arabiyası bastağan birlesken äskeri qosın 2015 jılı naurızdan bastap, Yemendegi Hosege qarata äskeri äreketter alıp barğan bolatın. Wlıbritaniyada ereuilşiler jwmırtqa laqtırğan Saudtıñ Generalı Eşli bolsa sol qwrama qosınnıñ arnaulı ökili bolğan edi. Naurızdıñ soñında Londonğa saparlay barıp, özine qarsı narazılıq jasauşılarğa tüsinik jasaudı oylağan. Alayda bwl oyı iske aspay, ereuilşiler onı jwmırtqanıñ astınan alğan.

BWW-nıñ ötken ayda körsetken mälimeti boyınşa, Yemendegi janjaldıñ uşığuınan eldegi halıq sanınıñ üşten ekisin kedeyşilik pen aştıq twralatqan. Şamamen 19 mln adam şwğıl gumanitarlıq kömekke mwqtaj bolğan.  Yemendegi qarulı qaqtığıstan 2016 bir jıldıñ özinde 1500 jazıqsız säbi qaza bolğan. Bwl 2015 jıldağıdan 70 payızğa köp. Al qazirdiñ özinde jartı millionnan astam yemendik balalar aştıqqa duşar bolıp otır. Bwl 2014 jıldağıdan üş esege köp. Britandıq ereuilşiler osı jağdaylar üşin arab generalına jwmırtqa laqtırıp, narazılığın bildirgen bolatın.

“The Qazaq Times”