ۇلىبريتانيا جۇمىرتقا ءۇشىن ساۋد حانزاداسىنان كەشىرىم سۇرادى

ساۋد ارابياسىنىڭ گەنەرالى  ەشلي ۇلىبريتانياداعى ءىس-ساپارى كەزىندە ەرەۋىلشىلەردىڭ قاتتى قارسىلىعىنا ۇشىراعان بولاتىن. نارازىلىق تانىتۋشىلار ساۋد ارابياسىنىڭ گەنەرالىنا قاراتىپ جۇمىرتقا لاقتىرعان. ۇلىبريتانيا سىرتقى ىستەر ءمينيسترى بوريس جونسون وسى ءىس ءۇشىن ساۋد ارابياسىنىڭ مۇراگەر حانزاداسى مۇحاممەد بەن سالماننان ارنايى كەشىرىم سۇرادى.

ساۋد ارابياسىنىڭ ءباسپاسوز اگەنتتىگىنىڭ حابارىنا قاراعاندا، 2 ءساۋىر كۇنى، ۇلىبريتانيا سىرتقى ىستەر ءمينيسترى  جونسون ساۋد ارابياسىنىڭ تاق مۇراگەرىنە ارنايى قوڭىراۋ ەرەۋىلشىلەردىڭ جاساعان ارەكەتتەرى ءۇشىن كەشىرىم سۇراعان.

ساۋد ارابياسىنىڭ تاق مۇراگەرى جانە ۇلىبريتانيا سىرتقى ىستەر ءمينيسترى. فوتو: Middle Est Eye

ساۋد ارابياسى باستاعان بىرلەسكەن اسكەري قوسىن 2015 جىلى ناۋرىزدان باستاپ، يەمەندەگى حوسەگە قاراتا اسكەري ارەكەتتەر الىپ بارعان بولاتىن. ۇلىبريتانيادا ەرەۋىلشىلەر جۇمىرتقا لاقتىرعان ساۋدتىڭ گەنەرالى ەشلي بولسا سول قۇراما قوسىننىڭ ارناۋلى وكىلى بولعان ەدى. ناۋرىزدىڭ سوڭىندا لوندونعا ساپارلاي بارىپ، وزىنە قارسى نارازىلىق جاساۋشىلارعا تۇسىنىك جاساۋدى ويلاعان. الايدا بۇل ويى ىسكە اسپاي، ەرەۋىلشىلەر ونى جۇمىرتقانىڭ استىنان العان.

بۇۇ-نىڭ وتكەن ايدا كورسەتكەن مالىمەتى بويىنشا، يەمەندەگى جانجالدىڭ ۋشىعۋىنان ەلدەگى حالىق سانىنىڭ ۇشتەن ەكىسىن كەدەيشىلىك پەن اشتىق تۇرالاتقان. شامامەن 19 ملن ادام شۇعىل گۋمانيتارلىق كومەككە مۇقتاج بولعان.  يەمەندەگى قارۋلى قاقتىعىستان 2016 ءبىر جىلدىڭ وزىندە 1500 جازىقسىز ءسابي قازا بولعان. بۇل 2015 جىلداعىدان 70 پايىزعا كوپ. ال قازىردىڭ وزىندە جارتى ميلليوننان استام يەمەندىك بالالار اشتىققا دۋشار بولىپ وتىر. بۇل 2014 جىلداعىدان ءۇش ەسەگە كوپ. بريتاندىق ەرەۋىلشىلەر وسى جاعدايلار ءۇشىن اراب گەنەرالىنا جۇمىرتقا لاقتىرىپ، نارازىلىعىن بىلدىرگەن بولاتىن.

“The Qazaq Times”