Toqaev progressiv tabıs salığı turalı ayttı

El aumağındağı tötenşe jağday ayaqtala sala el prezidenti Qasım-Jomart Toqaev issaparmen Almatı qalasına keldi. Pezidentti qala äkimi Baqıtjan Sağıntaev bastağan Almatınıñ atqa minerleri kütip aldı. Armatınıñ ayrıqşa nasandarın, aldağı qolğa alınıp jatqan iri qwrlıs orındarın aralağan prezident osı saparı kezinde progressiv tabıs salığı turalı ayttı.

“Memleket basşısı Qasım-Jomart Toqaev Almatığa jwmıs saparı barısında Ükimetke bergen jeke tabıs salığınıñ üdemeli ölşemin engizu turalı tapsırmasınıñ mänin tüsindirdi” dep habarlaydı prezidenttiñ baspasöz hatşısı Berik Uäli.

Qazaqstan Prezidentiniñ pikirinşe, bwl jañalıqtıñ maqsatı äleumettik ädildikti qamtamasız etu. Mwnday jüye birqatar memlekette qoldanıladı.
Qasım-Jomart Toqaev ayına 250-300 mıñ teñge jalaqı alatın azamattar tabıs salığın 7 payızdıq mölşerleme boyınşa töleuge tiis dep sanaydı. YAğni, qazirgi 10 payızdıq mölşerlemeden tömen boladı. Al, ayına 300 mıñ teñgeden 1,5-2 million teñgege deyin tabıs tabatındar üşin qazirgi 10 payızdıq mölşerleme saqtaladı.
Prezident jılına 25 million teñgeden köp tabıs tabatın azamattar üşin payızdıq mölşerleme kölemi artuı tiis degen pikirde. Mölşerleme kölemin Ükimettiñ komissiyası anıqtaydı. Bwl rette Memleket basşısı jeke tabıs salığınıñ payızdıq mölşerlemesiniñ joğarğı şekti deñgeyi 15 payızdan aspauı kerek dep esepteydi.

"The Qazaq Times"