Memlekettik satıp alu portalı«Jambıl oblısı oblıstıq mañızı bar avtomobil' joldarına ağımdağı jöndeu, kütip-wstau jäne kögaldandıru jwmıstarına»arnalğan konkurs nätijesin jariyaladı. Jalpı Jambıl oblısında 10 audan bolsa, ondağı biılğı jol jöndeu jwmıstarı 13 lotqa bölingen. Osı jwmıstar üşin bölingen soma 376 148 536.26 teñgeni qwraydı. Lottıñ barlığın «Qazaq Stroy Zhol» JŞS wtıp alğan.

Tenderdi kim wtıp aldı?

Bwl kompaniya 2016 jılı qañtar ayında Şımkent qalasında tirkelgen. Sayttağı mälimetterge säykes, bwl kompaniya Nwrmahan Nwrbolğa tiesili. Al kelisimşart Kayrat Sultankulovpen jasalğan. Alayda jeñimpaz kompaniya barlıq lottı birinşi konkurs nätijesinde wtıp almağan. Konkurstıñ alğaşqı nätijesi boyınşa ärtürli 10 kompaniya 10 lottı,  al «QazaqStroyZhol» 3 lottı qatar wtıp alğan. Biraq alğaşqı konkurs nätijesi şıqqan soñ 13 lottıñ 11-ne kameraldıq baqılau jürgizuge şeşim qabıldanğan. Al 8 säuir küni Jambıl oblısı boyınşa işki memlekettik audit departamenti Kameraldıq baqılau nätijeleri boyınşa anıqtalğan bwzuşılıqtardı joyu turalı habarlama jariyalağan. Baqılaudı Almat Mırzahmetov jürgizgen. Mısalı, kameraldıq baqılaudıñ nätijesinde kompaniyalardıñ keybiri jalğa alğan bul'dozerdiñ tehnikalıq tölqwjatın wsınbağanın, avtogreyder körsetpegenin, biri materialdıq jäne eñbek resurstarı turalı mälimdemegenin, sonday-aq rastaytın qwjatqa siltemeler körsetpegenin anıqtağan.

Osınday sebeptermen alğaşqı «jeñisinen» ayırılğan kompaniyalardıñ barlığı «biliktilik talaptarına säykes kelmeydi» dep tanılıp, konkursqa qatıstırılmağan. Bir qızığı mwnıñ barlığın komissiya müşeleri birinşi ötkizilgen konkursta elemegen ne bayqamağan, bayqasa da bayqamağan sıñay tanıtqan. Tek kameraldıq baqılau nätijesinde ketken olqılıqtar men kemşilikter anıqtalğan. Sonda bwl degeniñiz elimizde ötkizilgen ärbir memlekettik satıp aluğa, bir sözben aytqanda tenderlerge der kezinde tekseris jürgizip otıru qajet degendi körsete me? Eger audit departamenti osı olqılıqtardı anıqtamasa, Jambıl oblısındağı jol jağdayınıñ qanday boların kim bilsin?! «Biliksiz» kompaniyalar bilgenin ister me edi?! Sonımen birge eki ret ötkizilgen konkurs kezinde konkurstıq komissiyanıñ qwramı özgermegen.Konkurstıq komissiyanıñ törağası Baqıtjan Djanibekov mırza birinşi ötkizilgen konkursta osınday olqılıqtardı qalay bayqamağan, közge wrıp twrğan kemşilikterdi qalay körmegen dersiz?!

Osıdan keyin ekinşi ret ötkizilgen konkurstağı barlıq lotqa «Qazaq Stroy Zhol» men «Joğarğı Sanat Qwrılıs» qatısqan. Bwdan bölek ärtürli lottardan tağı törtkompaniyanıñ qatısqanın köruge boladı. Alayda qazirgi jeñimpaz JŞS barlıq bäsekelesterin şañ qaptırıp ketken. 13 lottıñ 11-inde ekinşi orındı ielengen «Joğarğı Sanat Qwrılıs» ta Şımkent qalasında tirkelgen. Bwl kompaniya«Qazaq Stroy Zhol»-dan keyin 2 aydan keyin memlekettik tirkeuden ötken. Ayta ketu kerek, biıl konkurstı«Jambıl oblısı äkimdiginiñ energetika jäne twrğın üy-kommunaldıq şaruaşılıq basqarması» kommunaldıq MM wyımdastırğan. Al bwrın«Jambıl oblısı äkimdiginiñ jolauşılar köligi jäne avtomobil' joldarı basqarması» özi ötkizgen eken.

Bıltır osı qızmetterdi kim atqardı?

Bıltır osı jol jöndeu jwmıstarın jergilikti kompaniyalardıñ atqarğanın köruge boladı. Alayda biıl olardıñ köbi «biliktilik därejeleriniñ tömen boluına baylanıstı» tenderge qatıstırılmağan. Mısalı, bıltır Jualı audanınıñ avtomobil' joldarınıñ biılğı jöndeu jwmıstarın wtıp alğan «Jol deluxe» JŞS biıl konkursqa bergen ötinimde materialdıq resursı tek «Avtogreyder» ekenin körsetken. Osı üşin konkursqa qatıstırılmağan. Alayda bwl kompaniya biıl qwnı  91 257 824.00 teñge bolatın  Örnek-Toğıztarau-Janaötkel 6 km avtomobil' jolın ortaşa jöndeu jwmıstarın alğan. Kompaniyalardan bıltır jäne biıl talap etilip otırğan tehnikalıq swranıstardıñ sonşalıq özgerip ketkeni şamalı. Sonda «Jol deluxe» bıltır tügeldep wsınğan dokumentterin biıl nege wsına almağan nemese wsınbağan? Jalğız körsetken avtogreyderiniñ arqasında 132 şaqırım joldıñ jöndeu jwmıstarın özi wtıp almasın anıq bilgen bolar?!

Jaraydı, ağımdağı jol jöndeu jwmıstarı atqarılar, alayda qısta joldıñ qarın tazalau jwmıstarın bwl kompaniya qalay atqarmaq? Öytkeni bwrın oblıstıq mañızı bar avtomobil' joldarına qısqı kütip-wstaujwmıstarıtikeley şart jasasu arqılı bir közden alu täsilimen jüzege asırılğan eken. Mwnda jergilikti jerdegi tabiğat erekşelikteri nemese jedeldilikti qajet etu jwmıstarımen baylanıstı bolsa kerek. Alayda biıl bwl jwmıstar joldı jıl boyı kütip wstau jwmıstarımen birge jäne bir konkurs arqılı ötken.Sonımen qatar kompaniya tayğaqqa qarsı qospalar jinauğa jäne tehnikalardı saqtauğa arnalğan jekemenşik ne jalğa alğan bazası bar boluın körsetui qajet. YAğni kompaniyanıñ 13 jerde osınday bazası bolu kerek. Jambıl oblısınıñ tabaldırığın alğaş attap otırğan bwl kompaniyanıñ barlıq jerde bazası bar bolğanı ğoy?! Tek eriksiz şamamen 2 000 şaqırım bolatın, jıl boyı atqarılatın jol jwmıstarın jalğız özi atqarudı mindetine alğan qanday qauqarlı kompaniya dep tañday qağasıñ…

Sonımen qatar, kompaniyada boluğa mindetti qwrılıs kölikteri jäne mehanizmder sanı körsetilgen. Sonda 13 lottıñ jwmıstarın jasau üşin bwl kompaniyanıñ avtobazası arnayı tehnikamen tolıqtay qamtılğan ba degen kümändi saual tuındaydı. Ärine, tehnikalardı jalğa aluğa da boladı. Alayda kompaniyanıñ konkursqa qatısu üşin körsetken tiisti tehnikaları tek tapsırısı beruşige ğana mälim. Jergilikti kompaniyalardıñ barlığın ığıstırıp, biliktiligimen erekşe közge tüsken şımkenttik «Qazaq Stroy Zhol» kompaniyasınıñ Jambıldağı jol mäselesin minsiz atqaratına seneyik jäne soğan birge kuä bolamız dep ümitteneyik..

Kompaniya bwl qızmetti qalay atqaruı mümkin?

Oylap qarasaq, bwl kompaniya bwl qızmetterdi eki jolmen minsiz atqara aladı. Birinşisi, kompaniya Jambıl oblısınıñ 13 eldi mekenine qajet tehnikalardı arqalap, qızmetkerlerin ertip, sol jerden qonıstanıp jıl on eki ay sol jerde qızmet körsetedi. Alayda, bwl nwsqa estir qwlaqqa onşa senimdi, köñilge qonımdı  emes. Nege deseñiz, bwl kompaniyağa artıq şığın, sonımen qatar özderi bwrın körmegen, tipti qır-sırın bilmeytin aymaqta qızmet etu sonşalıqtı oñay emes...

Al ekinşi nwsqası, «Qazaq Stroy Zhol» kompaniyası«subpodryadçik»yağni qosalqı merdiger kompaniyalarğa izdeu saladı. Köbine jergilikti kompaniyalardan «kömek swrauı» mümkin. Öytkeni sol qızmetterdi bwrın atqarıp jürgender, äri biıl «jep otırğan nandarınan» ayrılğan jergilikti kompaniyalar mwnday wsınısqa quana kelisetin bolar, bälkim...Mümkin biz bilmeytin basqa jolı bar bolar... Mümkin, özderiniñ biliktiligimen Jambıl jwrtın tamsandırıp, jergilikti kompaniyalarğa ülgi körsetip ketpek bolar...Bir biletinimiz eger ekinşi nwsqa şındıqqa jaqın bolsa, bwl joldı tañdau  «Qazaq Stroy Zhol»-ğa nege qajet boldı eken?! Eger kompaniya qosalqı merdigerge osı jwmıstardı beretin bolsa, bwl kompaniyanıñ biliktiligin qay jerden köruge boladı? Bwl kimge tiimdi? Tek bir kompaniyadan ekinşi kompaniyağa jwmıs berilgende, eki ortada bölingen qarjınıñ ortayıp qalatını anıq. Al bwl joldıñ mäselesin arttırmasa, azaytpaytını beseneden belgili.

Jeñimpaz kompaniyanıñ biıl tağı qanday jetistikteri bar?

Jeñimpaz kompaniyanıñ biıl jetken tağı qanday jetistikteri bar ekenine köz jügirteyik. Biıl bwl kompaniyanıñ ayı oñınan tuıp twr desek te boladı. Öytkeni mına silteme arqılı ötseñiz bwl kompaniyanıñ biıl alğan sansız tenderlerine kuä bolasız. Kompaniyanıñ biılğı jılğı eñ ülken jetistigi dep Türkistan oblısı, Arıs qalasındağı Montaytas auılındağı köşelerde asfal't betondı jabındı ornatu jwmısın aytuğa boladı. Bwl jwmıs üşin bölingen qarjı kölemi 278 704 160.00 teñgeni qwraydı. Kelisimşart 21 säuir 2020 jılı jasalğan.

Sonday-aq bwl kompaniya jol jöndeu jwmıstarınan bölek mekemelerge kömir jetkizu qızmetin de öz moyındarına alğan. Bwl qızmet üşin 14 112 000.00  teñge qarastırılğan. Bwğan tağı Ordabası audanınan eki jol jöndeu jwmıstarın (biriniñ qwnı 2 912 000.00, ekinşisi  12 992 000.00) qosıñız.

Sonımen qatar «QazaqStroyZhol» kompaniyası «Auıl - el besigi» jobası ayasında auıldıq jerlerdegi äleumettik jäne injenerlik infraqwrılım boyınşa şaralardı jüzege asıru  boyınşa Türkistan oblısı, Keles audanındağı Aqtöbe auıldıq okrugındağı Qızıläsker eldi mekenindegi 8 köşeniñ jol jamılğısın ortaşa jöndeu men Abay auılındağı 1 köşeniñ jol jöndeu jwmıstarın da wtıp alğan. Bwl jwmıstarğa bölingen qarjı kölemi şamamen 281 milliondı qwraydı eken.

Bwrın bwl kompaniyanıñ Türkistan oblısı men Şımkent qalasında biraz jwmıstar atqarğanın köruge boladı. Biıl bwl tizimge Jambıl da qosıldı. Jambıldıñ jolın jaynatam degen «Qazaq Stroy Zhol»-dıñ jolı bolsın deymiz endi. Jalğız kompaniyanıñ Jambıldıñ jolın qalay jöndep  jatqanın nazarda wstaytın bolamız. Qazir kompaniyanıñ Jambıldıñ arğı bası men bergi basındağı jol jöndeu jwmıstarı bastalıp ketken de bolar...

"The Qazaq Times"