Foto: bessarabiainform.in.ua Süriya (Siriya)

AQŞ, Franciya jäne Wlıbritaniya BWW-nıñ Qauipsizdik keñesinde Süriyadağı Idlibtegi himiyalıq qaru paydalandı degen aqparatqa säykes qaulı qabıldadı dep habarlaydı RIA Novosti agenttigi AQŞ-tağı BWW-nıñ twraqtı ökildigine silteme jasay otırıp. 

Agenttik ökilderiniñ aytuınşa: "Süriyanıñ Han-Şeyhun audanında himiyalıq qarudı paydalandı degen aqparatqa negizdelip jasalğan AQŞ, Franciya, Wlıbritaniyanıñ birlesken qaulısı 4 säuir küni Qauipsizdik Keñesiniñ barlıq ökilderine keñ taraldı".

Reseydiñ qorğanıs ministrliginiñ aqparatına säykes, Süriyanıñ äue küşteri Han-Şeyhun eldimekeniniñ şetindegi Idlib provinciyasında ornalasqan Irakqa jetkizilip twratın himiyalıq qaru jäne basqa da terroristerdiñ qaru-jaraq qoymasına şabuıl jasağan bolatın.

Süriyanıñ oppoziyaciya men revolyuciyalıq küşteriniñ wlttıq koaliciyası seysenbi küngi Han-Şeyhun qalasınıñ Idlib audanındağı himiyalıq qarumen şabuıldan 80 adam qaza tauıp, 200-den astamı jaralanğandığın mälimdedi. Oppozicionerler bwl şabuılğa Siriya ükimetiniñ äskerin kinälap otır.

Al Süriya äskeri bwl terroristerdiñ şabuılı ekendigin aytuda.

Bolğan oqiğanı tergeumen BWW men himiyalıq qaruğa tiım salu Wyımı aynalısıp jatır. Äzirge eşqanday naqtı aqparat  jariyalanbadı.

“The Qazaq Times”