بۇۇ سۇرياداعى حيميالىق قارۋدان بولعان جويقىن جارىلىسقا وراي قاۋلى قابىلدادى

اقش، فرانتسيا جانە ۇلىبريتانيا بۇۇ-نىڭ قاۋىپسىزدىك كەڭەسىندە سۇرياداعى يدليبتەگى حيميالىق قارۋ پايدالاندى دەگەن اقپاراتقا سايكەس قاۋلى قابىلدادى دەپ حابارلايدى ريا نوۆوستي اگەنتتىگى اقش-تاعى بۇۇ-نىڭ تۇراقتى وكىلدىگىنە سىلتەمە جاساي وتىرىپ. 

اگەنتتىك وكىلدەرىنىڭ ايتۋىنشا: ء"سۇريانىڭ حان-شەيحۋن اۋدانىندا حيميالىق قارۋدى پايدالاندى دەگەن اقپاراتقا نەگىزدەلىپ جاسالعان اقش، فرانتسيا، ۇلىبريتانيانىڭ بىرلەسكەن قاۋلىسى 4 ءساۋىر كۇنى قاۋىپسىزدىك كەڭەسىنىڭ بارلىق وكىلدەرىنە كەڭ تارالدى".

رەسەيدىڭ قورعانىس مينيسترلىگىنىڭ اقپاراتىنا سايكەس، ءسۇريانىڭ اۋە كۇشتەرى حان-شەيحۋن ەلدىمەكەنىنىڭ شەتىندەگى يدليب پروۆينتسياسىندا ورنالاسقان يراكقا جەتكىزىلىپ تۇراتىن حيميالىق قارۋ جانە باسقا دا تەرروريستەردىڭ قارۋ-جاراق قويماسىنا شابۋىل جاساعان بولاتىن.

ءسۇريانىڭ وپپوزياتسيا مەن رەۆوليۋتسيالىق كۇشتەرىنىڭ ۇلتتىق كواليتسياسى سەيسەنبى كۇنگى حان-شەيحۋن قالاسىنىڭ يدليب اۋدانىنداعى حيميالىق قارۋمەن شابۋىلدان 80 ادام قازا تاۋىپ، 200-دەن استامى جارالانعاندىعىن مالىمدەدى. وپپوزيتسيونەرلەر بۇل شابۋىلعا سيريا ۇكىمەتىنىڭ اسكەرىن كىنالاپ وتىر.

ال ءسۇريا اسكەرى بۇل تەرروريستەردىڭ شابۋىلى ەكەندىگىن ايتۋدا.

بولعان وقيعانى تەرگەۋمەن بۇۇ مەن حيميالىق قارۋعا تيىم سالۋ ۇيىمى اينالىسىپ جاتىر. ازىرگە ەشقانداي ناقتى اقپارات  جاريالانبادى.

“The Qazaq Times”