Foto: centralasian.org

Atırau oblısınıñ Jılıoy audanı aumağındağı "Teñizşevroyl" kompaniyasınıñ vahtalıq poselkesindegi "Bolaşaq" lageriniñ jwmısşıları lager' aumağına "koronavirus jwqtırıp, karantinde jatıp şıqqan" adamdardı äkeluge narazılıq tanıttı. Bwl turalı Ortalıq Aziya jañalıqtar qızmeti jazdı.

Bwğan "Teñizşevroyldıñ" vahtalıq jataqhanasındağı jwmısşılar narazılığı 19 säuirde tün ortasında Facebook äleumettik jelisi arqılı taradı. Video tüsirip, äri kommentariy jasap twrğan adam "Bwl - Tenizdiñ "Bolaşaq" jataqhanasındağı ayqay-şu. Emdelip, karantinde jatıp şıqqan adamdar körinedi" degeni  sebep bolğan.

Jwmısşılardıñ  "Teñizşevroyldıñ" "Vaternas" vahtalıq poselkesinde bir adamnıñ virus jwqtırğanı belgili bolğan. Bwl turalı Atırau oblıstıq äkimdiginiñ işki sayasat basqarmasınıñ bastığı Jaswlan Bisembiev öz paraqşasında TŞO-nıñ resmi jauabın jariyaladı. Onda 17 säuirde Teñizde vahtalıq auısımmen jwmıs istep jatqan qızmetkerlerdiñ biriniñ suıq tigenge wqsaytın belgilermen vahtalıq poselkedegi medicina bölimşesine şağımdanğanı aytılğan. 19 säuirde alınğan test qorıtındısı onıñ COVID-19 virusın jwqtırğanın rastağan.

"Teñizşevroyl" kompaniyasınıñ baspasöz hatşısı Erlan Islyamovtıñ aytuınşa, "Bolaşaq" lagerinde vahtalıq auısımmen jwmıs istep jatqan adamdar jağdaydı dwrıs tüsinbegen. Jwmısşılar "ekspress testileuden ötip, "Bolaşaqtağı" blok işinde üylerine ketetin kölik kütip otırğan ärtürli merdiger mekemelerdiñ qızmekterlerin "koronavirus jwqtırğandar" dep oylağan".

Baspasöz habarlamasında "Ol jwmısşı qazir Atırau qalasındağı infekciyalıq auruhanada emdelip jatır. Ol jürgen ğimarat tolıq dezinfekciyalandı. TŞO-dağı öndiristik jwmıstar istep twr» dedi.

"Teñizşevroyl" kompaniyası Atırau oblısındağı Qazaqstannıñ iri ken orındarınıñ biri - Teñiz kenişin 1993 jıldan beri igerip keledi.

"The Qazaq Times"