فوتو: centralasian.org

اتىراۋ وبلىسىنىڭ جىلىوي اۋدانى اۋماعىنداعى "تەڭىزشەۆرويل" كومپانياسىنىڭ ۆاحتالىق پوسەلكەسىندەگى "بولاشاق" لاگەرىنىڭ جۇمىسشىلارى لاگەر اۋماعىنا "كوروناۆيرۋس جۇقتىرىپ، كارانتيندە جاتىپ شىققان" ادامداردى ءاكەلۋگە نارازىلىق تانىتتى. بۇل تۋرالى ورتالىق ازيا جاڭالىقتار قىزمەتى جازدى.

بۇعان "تەڭىزشەۆرويلدىڭ" ۆاحتالىق جاتاقحاناسىنداعى جۇمىسشىلار نارازىلىعى 19 ساۋىردە ءتۇن ورتاسىندا Facebook الەۋمەتتىك جەلىسى ارقىلى تارادى. ۆيدەو ءتۇسىرىپ، ءارى كوممەنتاري جاساپ تۇرعان ادام "بۇل - تەنىزدىڭ "بولاشاق" جاتاقحاناسىنداعى ايقاي-شۋ. ەمدەلىپ، كارانتيندە جاتىپ شىققان ادامدار كورىنەدى" دەگەنى  سەبەپ بولعان.

جۇمىسشىلاردىڭ  "تەڭىزشەۆرويلدىڭ" "ۆاتەرناس" ۆاحتالىق پوسەلكەسىندە ءبىر ادامنىڭ ۆيرۋس جۇقتىرعانى بەلگىلى بولعان. بۇل تۋرالى اتىراۋ وبلىستىق اكىمدىگىنىڭ ىشكى ساياسات باسقارماسىنىڭ باستىعى جاسۇلان بيسەمبيەۆ ءوز پاراقشاسىندا تشو-نىڭ رەسمي جاۋابىن جاريالادى. وندا 17 ساۋىردە تەڭىزدە ۆاحتالىق اۋىسىممەن جۇمىس ىستەپ جاتقان قىزمەتكەرلەردىڭ ءبىرىنىڭ سۋىق تيگەنگە ۇقسايتىن بەلگىلەرمەن ۆاحتالىق پوسەلكەدەگى مەديتسينا بولىمشەسىنە شاعىمدانعانى ايتىلعان. 19 ساۋىردە الىنعان تەست قورىتىندىسى ونىڭ COVID-19 ۆيرۋسىن جۇقتىرعانىن راستاعان.

"تەڭىزشەۆرويل" كومپانياسىنىڭ ءباسپاسوز حاتشىسى ەرلان يسلياموۆتىڭ ايتۋىنشا، "بولاشاق" لاگەرىندە ۆاحتالىق اۋىسىممەن جۇمىس ىستەپ جاتقان ادامدار جاعدايدى دۇرىس تۇسىنبەگەن. جۇمىسشىلار "ەكسپرەسس تەستىلەۋدەن ءوتىپ، "بولاشاقتاعى" بلوك ىشىندە ۇيلەرىنە كەتەتىن كولىك كۇتىپ وتىرعان ءارتۇرلى مەردىگەر مەكەمەلەردىڭ قىزمەكتەرلەرىن "كوروناۆيرۋس جۇقتىرعاندار" دەپ ويلاعان".

ءباسپاسوز حابارلاماسىندا "ول جۇمىسشى قازىر اتىراۋ قالاسىنداعى ينفەكتسيالىق اۋرۋحانادا ەمدەلىپ جاتىر. ول جۇرگەن عيمارات تولىق دەزينفەكتسيالاندى. تشو-داعى وندىرىستىك جۇمىستار ىستەپ تۇر» دەدى.

"تەڭىزشەۆرويل" كومپانياسى اتىراۋ وبلىسىنداعى قازاقستاننىڭ ءىرى كەن ورىندارىنىڭ ءبىرى - تەڭىز كەنىشىن 1993 جىلدان بەرى يگەرىپ كەلەدى.

"The Qazaq Times"