Qazaqstan elşisi Darhan Käletaev Ukraina prezidenti Vladimir Zelenskiyge senim gramotaların tapsırdı.

QR SİM baspasöz qızmetiniñ habarlauınşa, elşi räsim ayasında ötken swhbat barısında Qazaqstannıñ Ukrainamen keñ auqımdı mäseleler boyınşa pragmatikalıq ıntımaqtastıqtı damıtudı talqılağan.

Sonımen birge ol eki el halıqtarınıñ tığız tarihi baylanısı men eki memleket arasındağı sauda-ekonomikalıq, mädeni-gumanitarlıq ıntımaqtastıqtıñ mañızdı äleuetin atap ötti.

Ukraina — Qazaqstannıñ Şığıs Europadağı iri seriktes memleketi. 2018 jılı Qazaqstannan Ukrainağa tasımaldanatın swyıtılğan gazdıñ kölemi rekordıq körsetkişti jañarttı. Ötken jılı tikeley kelisim arqılı tasımal kölemi 260 mıñ tonnanı qwrağan. Osılayşa qazaqstandıq önim Ukrainadağı avto-gaz dağdarısın eñserip, bağa sayasatın twraqtı wstap twruğa mümkindik berip twr. Ukrainada swyıtılğan gazğa swranıs jıl sayın artıp keledi, sondıqtan eki el arasındağı gaz sauda aynalımınıñ kölemi osı jılı da köbeye tüspek. 2018 jılı eki el arasındağı tauar aynalımı 1,5 mlrd dollarğa jetken.

"The Qazaq Times"