Körneki suret. Foto: aşıq derekköz

Şwğıl ştabtıñ habarlauınşa, indet jwqtırğan tağı 88 adam, onıñ 75-i Almatıdan anıqtaldı. Keşe tüngi sağat 23:40-ta Almatı qalasında 99 nauqas tirkelgeni habarlandı. 

Bügin, 14 naurız sağat 10:24-te Almatı qalasında – 75 adam, Jambıl oblısında – 3 adam, astanada – 4 adam, Şımkent qalasında – 1, Atırau oblısında – 1, Türkistan oblısında – 3, Qarağandı oblısında – 1 keys tabılğanı atıldı.

Osılayşa Almatı qalası 346 keys, 2 ölim jağdayı boyınşa Qazaqstandağı birinşi indet oşağına aynaldı. Elde tirkelgen barlıq nauqastardıñ üşten bir böligi oñtüstik astanağa tiesili. Soñğı 12 sağattıñ özinde 174 adamnan koronavirus infekciyası tabıldı. ⠀

Keyster sanı jağınan Qazaqstan älemde 67-orınğa şıqtı. Kuveytte virus jwqtırğandar sanı Qazaqstannan 121-ge ( jalpı 1300 keys/2 ölim) köptigine qaramastan, ölim jağdayı Qazaqstannan 7 esege az, yağni eki fakt. Däl solay Singapur (2918/9) men Katar (3231/7), Bahreyn (1366/9) elderinde tirkelgen keyster sanı eselep artıq bolğanımen, ölim sanı bizden esege az.

“The Qazaq Times”