كورنەكى سۋرەت. فوتو: اشىق دەرەككوز

شۇعىل شتابتىڭ حابارلاۋىنشا، ىندەت جۇقتىرعان تاعى 88 ادام، ونىڭ 75-ءى الماتىدان انىقتالدى. كەشە تۇنگى ساعات 23:40-تا الماتى قالاسىندا 99 ناۋقاس تىركەلگەنى حابارلاندى. 

بۇگىن، 14 ناۋرىز ساعات 10:24-تە الماتى قالاسىندا – 75 ادام، جامبىل وبلىسىندا – 3 ادام، استانادا – 4 ادام، شىمكەنت قالاسىندا – 1, اتىراۋ وبلىسىندا – 1, تۇركىستان وبلىسىندا – 3, قاراعاندى وبلىسىندا – 1 كەيس تابىلعانى اتىلدى.

وسىلايشا الماتى قالاسى 346 كەيس، 2 ءولىم جاعدايى بويىنشا قازاقستانداعى ءبىرىنشى ىندەت وشاعىنا اينالدى. ەلدە تىركەلگەن بارلىق ناۋقاستاردىڭ ۇشتەن ءبىر بولىگى وڭتۇستىك استاناعا تيەسىلى. سوڭعى 12 ساعاتتىڭ وزىندە 174 ادامنان كوروناۆيرۋس ينفەكتسياسى تابىلدى. ⠀

كەيستەر سانى جاعىنان قازاقستان الەمدە 67-ورىنعا شىقتى. كۋۆەيتتە ۆيرۋس جۇقتىرعاندار سانى قازاقستاننان 121-گە ( جالپى 1300 كەيس/2 ءولىم) كوپتىگىنە قاراماستان، ءولىم جاعدايى قازاقستاننان 7 ەسەگە از، ياعني ەكى فاكت. ءدال سولاي سينگاپۋر (2918/9) مەن كاتار (3231/7), باحرەين (1366/9) ەلدەرىندە تىركەلگەن كەيستەر سانى ەسەلەپ ارتىق بولعانىمەن، ءولىم سانى بىزدەن ەسەگە از.

“The Qazaq Times”