Qırğızstannıñ Wlttıq qauipsizdik komitetiniñ ökilderi Peterburgtağı teraktıq şabuıldıñ orındauşısı Qırğızstanda düniege kelgen Resey azamatı boluı mümkin degen boljam jasap otır.
"Keltirilgen boljamdarğa säykes, metroda jarılıs jasağan Oş qalasında tuılğan, keyinnen Reseydiñ azamattığın alğan 1995 jılğı Akbarjon Djalilov boluı mümkin" - dep mälimdedi, WQK.
RIA Novosti agenttiginiñ habarlauınşa, büginde Resey men Qırğızstannıñ qauipsizdik komitetiniñ ökilderi birlese jwmıs jasap, jarılıstıñ män-jayın anıqtauda.
Biraq, Reseydegi Qırğızstan elşiligi ökilderiniñ aytuınşa, Bişkekke Sankt-Peterburgtağı teraktqa qızğızstandıqtıñ qatısı bar ekendigi jaylı naqtı aqparat kelip tüsken joq.
WAK habarlauınşa, terroristter qoldan jasalğan jarılğış zattardı paydalanğan. Komitet keltirgen boljamdarğa säykes, jarılğış zattı poyızğa portfel'men alıp kirgen boluı kerek. Jarılıstıñ saldarına qarağanda, jarılğıştardıñ sanı ekeu boluı da mümkin. Jarılıs 14:40 şamasında "Sennaya ploşad'" stanciyasınan şıqqan poyızda orın alğan. Sonımen qatar, "Ploşad' Vosstaniya" stanciyasında ekinşi qoldan jasalğan jarılğış zat anıqtalıp, Wlttıq antiterroristik komitetiniñ mälimdeuinşe, tolıqtay zalalsızdandırılğan.
Soñğı derekter boyınşa, jarılıs saldarınan 11 adam qaza tauıp, 51-i auır jaralanğan.
“The Qazaq Times”
Kiberşabuılğa wşırağan BAQ ökilderi qwqıq qorğau organdarına arız tüsirdi
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Reseydiñ Doneck oblısı Konstantinovka qalasındağı bazarğa şabuılınan 16 adam qaza taptı
Sadır Japarov Istıqköldegi tört pansionattı Özbekstanğa beru sebebin tüsindirdi
Pigojinniñ «Vagner» tobı Mäskeu tübine kelip şeginip ketti