ۇقك: "سانكت-پەتەربۋرگتاعى تەراكتى جاساعان قىرعىزستاندىق بولۋى مۇمكىن"

قىرعىزستاننىڭ ۇلتتىق قاۋىپسىزدىك كوميتەتىنىڭ  وكىلدەرى پەتەربۋرگتاعى تەراكتىق شابۋىلدىڭ ورىنداۋشىسى قىرعىزستاندا دۇنيەگە كەلگەن رەسەي ازاماتى بولۋى مۇمكىن دەگەن بولجام جاساپ وتىر.

"كەلتىرىلگەن بولجامدارعا سايكەس، مەترودا جارىلىس جاساعان وش قالاسىندا تۋىلعان، كەيىننەن رەسەيدىڭ ازاماتتىعىن العان 1995 جىلعى اكبارجون دجاليلوۆ بولۋى مۇمكىن" - دەپ مالىمدەدى، ۇقك.

ريا نوۆوستي اگەنتتىگىنىڭ حابارلاۋىنشا، بۇگىندە رەسەي مەن قىرعىزستاننىڭ قاۋىپسىزدىك كوميتەتىنىڭ وكىلدەرى بىرلەسە جۇمىس جاساپ، جارىلىستىڭ ءمان-جايىن انىقتاۋدا.

بىراق، رەسەيدەگى قىرعىزستان ەلشىلىگى وكىلدەرىنىڭ  ايتۋىنشا، بىشكەككە سانكت-پەتەربۋرگتاعى تەراكتقا قىزعىزستاندىقتىڭ قاتىسى بار ەكەندىگى جايلى ناقتى اقپارات كەلىپ تۇسكەن جوق.

ۇاك حابارلاۋىنشا، تەرروريستتەر قولدان جاسالعان جارىلعىش زاتتاردى پايدالانعان. كوميتەت كەلتىرگەن بولجامدارعا سايكەس، جارىلعىش زاتتى پويىزعا پورتفەلمەن الىپ كىرگەن بولۋى كەرەك.  جارىلىستىڭ سالدارىنا قاراعاندا، جارىلعىشتاردىڭ  سانى ەكەۋ بولۋى دا مۇمكىن. جارىلىس 14:40 شاماسىندا "سەننايا پلوششاد" ستانتسياسىنان شىققان پويىزدا ورىن العان. سونىمەن قاتار، "پلوششاد ۆوسستانيا" ستانتسياسىندا ەكىنشى قولدان جاسالعان جارىلعىش زات انىقتالىپ، ۇلتتىق انتيتەرروريستىك كوميتەتىنىڭ مالىمدەۋىنشە، تولىقتاي زالالسىزداندىرىلعان.

سوڭعى دەرەكتەر بويىنشا، جارىلىس سالدارىنان 11 ادام قازا تاۋىپ، 51-ءى اۋىر جارالانعان.

“The Qazaq Times”