Körneki suret. Foto: aşıq derekköz

Şwğıl ştabtıñ mälimeti boyınşa, jwqpalı dert jwqtırğandar sanı 800-den astı. Älemdegi keyster sanı jağınan Qazaqstan äzirge 73-orınğa twraqtadı. 

Keşe tünnen beri tağı 21 adamnıñ atı jaman indetti jwqtırğanı belgili boldı. Batıs Qazaqstan oblısında – 2 adam, Mañğıstau oblısında – 2 adam, Qızılorda oblısında – 4 adam, Atırau oblısında – 3 adam, Şımkent qalasında – 4 adam, Aqmola oblısında – 1 adam, Qarağandı oblısında – 4 adam, elordada – 1 adam.

Ökinişke qaray, ötken tüni Almatı qalasında bir nauqas köz jwmdı. Bwl elimizdegi osı jwqpalı dertten qaytıs boludıñ 9-jağdayı.

Naqtıraq aytqanda 802 keys. Olar eldiñ barlıq öñirinen:

  • Astana – 226;
  • Almatı qalası – 122;
  • Qızılorda oblısı – 104;
  • Aqmola oblısı – 61;
  • Qarağandı oblısı – 61;
  • Jambıl oblısı – 45;
  • Atırau oblısı – 45;
  • Türkistan oblısı – 34;
  • Şımkent qalası – 31;
  • Soltüstik Qazaqstan oblısı – 25;
  • Aqtöbe oblısı – 11;
  • Almatı oblısı – 10;
  • Mañğıstau oblısı – 9;
  • Şığıs Qazaqstan oblısı – 6;
  • Batıs Qazaqstan oblısı – 6;
  • Qostanay oblısı – 3;
  • Pavlodar oblısı – 3.

Eñ ökiniştisi, indet etek jaya bastağannan-aq Qazaqstanda 9 adam qaytıs boldı. Üş megapoliste (astana, Almatı, Şımkentte), Qarağandı, Pavlodar jäne Türkistan oblıstarında bir-birden, al Aqmola oblısında 3 kisiniñ ölimin bilik bwrınğı aurularımen baylanıstı tüsindiredi.

Dese de osı uaqıt aralığında em alğandardıñ birqatarı dertinen ayığıp, üyine jiberilgen. 51 adam sauığıp şıqqan. Olar: astanada – 30, Almatı qalası – 26, SQO, Jambıl, Pavlodar jäne  Aqtöbe oblıstarında – bir adamnan.

Elde alğaşqı nauqas 13 naurızda tirkeldi. Qızılorda oblısındağı jağday mamandardı alañdatıp otır.

Dadax komerciyalıq emes kompaniyasına qarastı Worldometer statistikalıq aqparattar bazası jäne AQŞ-tağı Djon Hopkins universitetiniñ soñğı deregi boyınşa, älemde qaterli virusqa şaldıqqandar sanı 1.6 milionnan astı. Sonday-aq 95 mıñday nauqas qaytıs bolsa, 356 mıñ adam dertinen ayıqtı. Osı derekqorda Qazaqstan 802 keyspen 73-şi orında twr.

“The Qazaq Times”