كورنەكى سۋرەت. فوتو: اشىق دەرەككوز

شۇعىل شتابتىڭ مالىمەتى بويىنشا، جۇقپالى دەرت جۇقتىرعاندار سانى 800-دەن استى. الەمدەگى كەيستەر سانى جاعىنان قازاقستان ازىرگە 73-ورىنعا تۇراقتادى. 

كەشە تۇننەن بەرى تاعى 21 ادامنىڭ اتى جامان ىندەتتى جۇقتىرعانى بەلگىلى بولدى. باتىس قازاقستان وبلىسىندا – 2 ادام، ماڭعىستاۋ وبلىسىندا – 2 ادام، قىزىلوردا وبلىسىندا – 4 ادام، اتىراۋ وبلىسىندا – 3 ادام، شىمكەنت قالاسىندا – 4 ادام، اقمولا وبلىسىندا – 1 ادام، قاراعاندى وبلىسىندا – 4 ادام، ەلوردادا – 1 ادام.

وكىنىشكە قاراي، وتكەن ءتۇنى الماتى قالاسىندا ءبىر ناۋقاس كوز جۇمدى. بۇل ەلىمىزدەگى وسى جۇقپالى دەرتتەن قايتىس بولۋدىڭ 9-جاعدايى.

ناقتىراق ايتقاندا 802 كەيس. ولار ەلدىڭ بارلىق وڭىرىنەن:

  • استانا – 226;
  • الماتى قالاسى – 122;
  • قىزىلوردا وبلىسى – 104;
  • اقمولا وبلىسى – 61;
  • قاراعاندى وبلىسى – 61;
  • جامبىل وبلىسى – 45;
  • اتىراۋ وبلىسى – 45;
  • تۇركىستان وبلىسى – 34;
  • شىمكەنت قالاسى – 31;
  • سولتۇستىك قازاقستان وبلىسى – 25;
  • اقتوبە وبلىسى – 11;
  • الماتى وبلىسى – 10;
  • ماڭعىستاۋ وبلىسى – 9;
  • شىعىس قازاقستان وبلىسى – 6;
  • باتىس قازاقستان وبلىسى – 6;
  • قوستاناي وبلىسى – 3;
  • پاۆلودار وبلىسى – 3.

ەڭ وكىنىشتىسى، ىندەت ەتەك جايا باستاعاننان-اق قازاقستاندا 9 ادام قايتىس بولدى. ءۇش مەگاپوليستە (استانا، الماتى، شىمكەنتتە), قاراعاندى، پاۆلودار جانە تۇركىستان وبلىستارىندا ءبىر-بىردەن، ال اقمولا وبلىسىندا 3 كىسىنىڭ ءولىمىن بيلىك بۇرىنعى اۋرۋلارىمەن بايلانىستى تۇسىندىرەدى.

دەسە دە وسى ۋاقىت ارالىعىندا ەم العانداردىڭ بىرقاتارى دەرتىنەن ايىعىپ، ۇيىنە جىبەرىلگەن. 51 ادام ساۋىعىپ شىققان. ولار: استانادا – 30, الماتى قالاسى – 26, سقو، جامبىل، پاۆلودار جانە  اقتوبە وبلىستارىندا – ءبىر ادامنان.

ەلدە العاشقى ناۋقاس 13 ناۋرىزدا تىركەلدى. قىزىلوردا وبلىسىنداعى جاعداي مامانداردى الاڭداتىپ وتىر.

Dadax كومەرتسيالىق ەمەس كومپانياسىنا قاراستى Worldometer ستاتيستيكالىق اقپاراتتار بازاسى جانە اقش-تاعى دجون حوپكينس ۋنيۆەرسيتەتىنىڭ سوڭعى دەرەگى بويىنشا، الەمدە قاتەرلى ۆيرۋسقا شالدىققاندار سانى 1.6 ميليوننان استى. سونداي-اق 95 مىڭداي ناۋقاس قايتىس بولسا، 356 مىڭ ادام دەرتىنەن ايىقتى. وسى دەرەكقوردا قازاقستان 802 كەيسپەن 73-ءشى ورىندا تۇر.

“The Qazaq Times”