Äleumettik mañızdı tauarlardıñ bağasın baqılau maqsatında Almatı oblısınıñ äkimi Amandıq Batalov Taldıqorğan qalası Raqışev köşesiniñ boyında ornalasqan «Magnum» sauda jelisiniñ dükenine bardı. Bwl jerde 19 äleumettik mañızdı tauardıñ 18-i bar  jäne olardıñ barlığı da tömen bağada. Bwl turalı Almatı oblısı äkiminiñ baspasöz qızmeti habarladı. 

«Magnum» sauda jelisi filialınıñ direktorı Laura Idırısovanıñ aytuınşa, sauda nüktesinde jalpı barlıq tauarlar jetkilikti kölemde, mwndağı azıq-tüliktiñ 50%-i - otandıqönim, sonıñ işinde süt, süt önimderi, nan, nan önimderi, makaron jäne konditer önimderi bar. Oblıstıq basmemlekettik sanitar därigeriniñ qaulısına säykes sauda nüktelerinde barlıq sanitarlıq talaptar men wyğarımdar saqtalıp otır. Dezinfekciyalau şaraları twraqtı jürgizilip, qoldı juuğa arnalğan sanitayzerler qoyılğan. Kireberiste teplovizormen barlıq keluşilerdiñ dene qızuı ölşenedi.

Taldıqorğanda «Magnum» sauda jelisiniñ eki dükeni bar. Amandıq Batalov qalanıñ oñtüstik-batıstağı jaña twrğın audanınan tağı bir düken aşu mümkindikterin qarastırudı tapsırdı:

-  Jwmıstarıñızdı jalğastıra beriñizder, biz öz tarapımızdan barlıq qoldaudı körsetemiz. Eñ bastısı, twrğındar barlıq qajettiliktermen tolıq kölemde qamtamasız etilui kerek. Sauda nüktelerinde äleumettik mañızdı tauarlardıñ bağası men olardıñ bar boluına twraqtı baqılau jasaymız. Äleumettik mañızdı tauarlardıñ bağası men olardıñ boluın qamtamasız etuge bağıttalğan şaralar qabıldadıq. Qazir «Jetisu» ÄKK arqılı oblıstağı iri sauda nüktelerimen jäne auıl şaruaşılığı tauar öndiruşilerimen kelisimşart jasaluda, sonıñ negizinde käsipkerler bank kepildigine aynalım qarajatın ala aladı. Bwl qatarda«Magnum» sauda nükteleriniñ dükenderinen basqa da narıqta birneşe jıldan beri jwmıs istep kele jatqan iri jäne orta dükender bar. Bügingi küni bwl maqsatqa oblıs byudjetinen biz 1 mlrd. teñge böldik. Qosımşa tağı 1 mlrd. teñge böludi josparlap otırmız, - dedi A. Batalov. Sol siyaqtı käsipkerlik jäne industrialdı-innovaciyalıq damu basqarması men «Jetisu» ÄKK basşılarına äleumettik mañızdı tauarlardıñ bağasın twraqtı qadağalaudı tapsırdı.

Saqbek Mayya

"The Qazaq Times"