Koronavirustıñ jaña türimen küresu jäne pandemiya jağdayında al'yanstıñ jwmısın jalğastıru NATO sırtqı ister ministrleri qatısatın videokonferenciyasınıñ bastı taqırıbı boladı.

NATO Bas hatşısı Yens Stoltenbergtiñ aytuınşa, beynekonferenciya jabıq türde ötedi, sondıqtan onıñ qwpiyalılığına kepildik beriledi.

Stoltenberg sözinde: «Koronavirusqa qarsı küres NATO sırtqı ister ministrleriniñ alğaşqı videokonferenciyasınıñ bastı taqırıbı boladı. Ministrler dağdarısqa jauap beru üşin NATO-nıñ mümkindikterin qalay tiimdi paydalanu kerektigin talqılaydı.

NATO jahandıq epidemiologiyalıq dağdarıstıñ qauipsizdik dağdarısına aynaluına jol bermeydi, sondıqtan ministrler al'yans operaciyaların pandemiya jağdayında da jalğastırudı talqılaydı», — dedi.

Ol «qazirgi dağdarısqa jauap retinde odaq pen onıñ elderi qabıldağan şaralardı» qarastıratının atap ötti.

«Bizdiñ äskeri wşaqtarımız medicinalıq jabdıqtar men auruhanalarğa arnalğan tösek-orındardı jetkizdi. Däl bügin tañerteñ birneşe wşaqtar Türkiyadan Italiyağa jäne Ispaniyağa NATO-nıñ dağdarısqa qarsı äreket etu jönindegi üylestiru ortalığı arqılı medicinalıq zattardı jetkizdi. Germaniyada bos orındar bar, Italiya men Franciyadan pacientter qabıldanadı. Därigerler Albaniya men Pol'şadan Italiyağa bardı. Amerika Italiyağa medicinalıq jabdıqtardı jetkizdi, Çehiya Italiya men Ispaniyağa 20 mıñ qorğanıs kiimderin berdi», — dedi Stoltenberg. Onıñ aytuınşa, NATO elderiniñ äskeri küşteri öz elderindegi epidemiyağa qarsı şaralarğa da qatısadı: nauqastardı tasımaldauğa jäne qoğamdıq ğimarattardı dezinfekciyalauğa qatısadı, sonımen qatar qoğamdıq tärtipti saqtaydı.

Qazir älemde 937 170 adam dertke şaldığıp, 47 267 adam köz jwmğan. Köptegen elder koronavirusqa qarsı küres maqsatında tötenşe jağday engizip, karantin rejimine köşti. Ötken aptada G20 sammitiniñ beynekonferenciyası osı mäsele jöninde wyımdastırılğan.

"The Qazaq Times"