İndettiñ äserinde Şığıs Aziyada millionlağan adam kedeylik qamıtın kiyui mümkin. Aymaqta Qıtaydı qamtığan jäne birqatar damığan elderdiñ ekonomikalıq damuı bayaulap, birtindep keri şeginedi degen boljam jasadı Düniejüzilik bank.

Boljamğa sensek, bwğan deyin älemniñ ekinşi ornın ielep kelgen Qıtay ekonomikası osı jılı tek 1-2 payızdıq ösim körsetedi. Bwl tipti eñ jaqısı boldı degen künde, eger pandemiyanı uaqıtında tizgindey almasa, onda bwl jağday twtas älem ekonomikasına äser etpek.

Şığıs Aziyadağı äleumettik jağdaylardı esepke ala otırıp 11 mln şamasında halıqtıñ küni qiınday tüsetini boljanıp otır. Eger jağday bwdan da jamanğa ketse bwl san eselenip artuı da mümkin.

Qazir indet jağdayı Oñtüstik Europa men AQŞ-ta eñ auır küyde twr. Al älem boyınşa indet jwqtırğandar sanı 800 mıñ adamğa jetip qaldı,  37 mıñnan astam nauqas köz jwmdı.

İndet älemniñ birinşi jäne ekinşi ekonomikasın ielegen elderge auır oyran saldı. Onıñ ıqpalı ekonomikalıq dağdarıs tolqını bolıp twtas älemge jayıluı müskin. Ökinişke oray, qazirgi boljamdar aldağı bir jılda älemdegi dağdarıstıñ salmağı auır bolatının eskertude.

"The Qazaq Times"