ىندەتتىڭ اسەرىندە شىعىس ازيادا ميلليونلاعان ادام كەدەيلىك قامىتىن كيۋى مۇمكىن. ايماقتا قىتايدى قامتىعان جانە بىرقاتار دامىعان ەلدەردىڭ ەكونوميكالىق دامۋى باياۋلاپ، بىرتىندەپ كەرى شەگىنەدى دەگەن بولجام جاسادى دۇنيەجۇزىلىك بانك.

بولجامعا سەنسەك، بۇعان دەيىن الەمنىڭ ەكىنشى ورنىن يەلەپ كەلگەن قىتاي ەكونوميكاسى وسى جىلى تەك 1-2 پايىزدىق ءوسىم كورسەتەدى. بۇل ءتىپتى ەڭ جاقىسى بولدى دەگەن كۇندە، ەگەر پاندەميانى ۋاقىتىندا تىزگىندەي الماسا، وندا بۇل جاعداي تۇتاس الەم ەكونوميكاسىنا اسەر ەتپەك.

شىعىس ازياداعى الەۋمەتتىك جاعدايلاردى ەسەپكە الا وتىرىپ 11 ملن شاماسىندا حالىقتىڭ كۇنى قيىنداي تۇسەتىنى بولجانىپ وتىر. ەگەر جاعداي بۇدان دا جامانعا كەتسە بۇل سان ەسەلەنىپ ارتۋى دا مۇمكىن.

قازىر ىندەت جاعدايى وڭتۇستىك ەۋروپا مەن اقش-تا ەڭ اۋىر كۇيدە تۇر. ال الەم بويىنشا ىندەت جۇقتىرعاندار سانى 800 مىڭ ادامعا جەتىپ قالدى،  37 مىڭنان استام ناۋقاس كوز جۇمدى.

ىندەت الەمنىڭ ءبىرىنشى جانە ەكىنشى ەكونوميكاسىن يەلەگەن ەلدەرگە اۋىر ويران سالدى. ونىڭ ىقپالى ەكونوميكالىق داعدارىس تولقىنى بولىپ تۇتاس الەمگە جايىلۋى مۇسكىن. وكىنىشكە وراي، قازىرگى بولجامدار الداعى ءبىر جىلدا الەمدەگى داعدارىستىڭ سالماعى اۋىر بولاتىنىن ەسكەرتۋدە.

"The Qazaq Times"