Sankt Peterburg metrosında jarılıs boldı. Foto: Gazeta Metro

Resey aqparattıq agenttikteri men memlekettik telearnaları, Reseydiñ ekinşi iri qalası Sankt-Peterburg metrosında jarılıs orın aldı. Saldarınan 10 adam qaza tauıp, 47 jaralanğan. Al basqa stanciyada tağı bir qoldan jasalğan jarılğış zat anıqtalıp, qauipsizdik organdarı jarılıstıñ aldın alıp ülgerdi.

Interfaks aqparattıq agenttiginiñ jarılıs oqiğasın jankeşti wyımdastırdı dep habarladı. Atalğan agenttik policiyanıñ bastapqı mälimetindegi derekterge silteme jasap, jarılıstı jasağan küdikti 23 jastağı orta-aziyalıq azamat ekenin ayttı.

WAK habarlauınşa, terroristter qoldan jasalğan jarılğış zattardı paydalanğan. Komitet keltirgen boljamdarğa säykes, jarılğış zattı poyızğa portfel'men alıp kirgen boluı kerek.  Jarılıstıñ saldarına qarağanda, jarılğıştardıñ  sanı ekeu boluı da mümkin.

Tergeu komitetiniñ mälimeti boyınşa, jarılıs 14:40 şamasında "Sennaya ploşad'" stanciyasınan şıqqan poyızda orın alğan. Sonımen qatar, "Ploşad' Vosstaniya" stanciyasında ekinşi qoldan jasalğan jarılğış zat anıqtalıp, Wlttıq antiterroristik komitetiniñ mälimdeuinşe, tolıqtay zalalsızdandırılğan.

Oqiğa tuılğan orınğa tötenşe jağday departamentiniñ qwtqaruşı qızmetkerleri men medicinalıq jedel järdem tez arada jetip, alğaşqı qwtqaru jwmıstarı men medicinalıq kömek körsetken. Interfaks (Interfaks) jäne ITAR – TASS-tıñ bastapqı körsetken derekteri boyınşa oqiğadan 10 adam qaza bolğan.

Atalğan oqiğa turalı Kreml' baspasöz hatşısı Dmitriy Peskov habarlama jariyalanıp, Resey prezidentiniñ oqiğadan habardar bolğanın jäne bwl isti tekserip anıqtau men zardap şekkenderge kömek körsetu isin tikeley özi qadağalaytının ayttı.

“The Qazaq Times”