سانكت پەتەربۋرگ مەتروسىندا جارىلىس بولدى. فوتو: گازەتا مەترو

رەسەي اقپاراتتىق اگەنتتىكتەرى مەن مەملەكەتتىك تەلەارنالارى، رەسەيدىڭ ەكىنشى ءىرى قالاسى سانكت-پەتەربۋرگ مەتروسىندا جارىلىس ورىن الدى. سالدارىنان 10 ادام قازا تاۋىپ، 47 جارالانعان. ال باسقا ستانتسيادا تاعى ءبىر قولدان جاسالعان جارىلعىش زات انىقتالىپ، قاۋىپسىزدىك ورگاندارى جارىلىستىڭ الدىن الىپ ۇلگەردى.

ينتەرفاكس اقپاراتتىق اگەنتتىگىنىڭ جارىلىس وقيعاسىن جانكەشتى ۇيىمداستىردى دەپ حابارلادى. اتالعان اگەنتتىك پوليتسيانىڭ باستاپقى مالىمەتىندەگى دەرەكتەرگە سىلتەمە جاساپ، جارىلىستى جاساعان كۇدىكتى 23 جاستاعى ورتا-ازيالىق ازامات ەكەنىن ايتتى.

ۇاك حابارلاۋىنشا، تەرروريستتەر قولدان جاسالعان جارىلعىش زاتتاردى پايدالانعان. كوميتەت كەلتىرگەن بولجامدارعا سايكەس، جارىلعىش زاتتى پويىزعا پورتفەلمەن الىپ كىرگەن بولۋى كەرەك.  جارىلىستىڭ سالدارىنا قاراعاندا، جارىلعىشتاردىڭ  سانى ەكەۋ بولۋى دا مۇمكىن.

تەرگەۋ كوميتەتىنىڭ مالىمەتى بويىنشا، جارىلىس 14:40 شاماسىندا "سەننايا پلوششاد" ستانتسياسىنان شىققان پويىزدا ورىن العان. سونىمەن قاتار، "پلوششاد ۆوسستانيا" ستانتسياسىندا ەكىنشى قولدان جاسالعان جارىلعىش زات انىقتالىپ، ۇلتتىق انتيتەرروريستىك كوميتەتىنىڭ مالىمدەۋىنشە، تولىقتاي زالالسىزداندىرىلعان.

وقيعا تۋىلعان ورىنعا توتەنشە جاعداي دەپارتامەنتىنىڭ قۇتقارۋشى قىزمەتكەرلەرى مەن مەديتسينالىق جەدەل جاردەم تەز ارادا جەتىپ، العاشقى قۇتقارۋ جۇمىستارى مەن مەديتسينالىق كومەك كورسەتكەن. ينتەرفاكس (ينتەرفاكس) جانە يتار – تاسس-تىڭ باستاپقى كورسەتكەن دەرەكتەرى بويىنشا وقيعادان 10 ادام قازا بولعان.

اتالعان وقيعا تۋرالى كرەمل ءباسپاسوز حاتشىسى دميتري پەسكوۆ حابارلاما جاريالانىپ، رەسەي پرەزيدەنتىنىڭ وقيعادان حاباردار بولعانىن جانە بۇل ءىستى تەكسەرىپ انىقتاۋ مەن زارداپ شەككەندەرگە كومەك كورسەتۋ ءىسىن تىكەلەي ءوزى قاداعالايتىنىن ايتتى.

“The Qazaq Times”