Kabuldağı jarılıs. Foto: Anadolı.

Auğanstannıñ Farah provinciyasında joğarı lauazımdı twlğalar mingen tikwşaq apatqa wşırap, 20 adam qaza tapqan. Bwl turalı Farak provinciyasınıñ resmi mälimetine silteme jasay otırp, auğanstandıq telearnalar habarladı.

Mälimetterge qarağanda, taulı Anar-Dara aymağında äuege köterilgen tikwşaq birneşe minuttan keyin apatqa wşırağan. Tikwşaqtıñ qwlauına naşar auarayı sebep bolğan. Qaza bolğandar arasında Auğanstan batıs aymaqtıq äskeri qolbasşısınıñ orınbasarı jäne Farah qalasınıñ Mäjilis törağası da bar.

Osıdan säl ğana bwrın, Auğanstannıñ ortalıq qalası Kabulda jankeşti jasağan jarılısta 7 adam qaza tapqan bolatın. Kabuldağı jarılıstı eldegi DAIŞ wyımı öz moynına alğan. Kölikke ornatılğan bombamen jasalğan jarılısta 8 adam zardap şekken.

“The Qazaq Times”