2020 jılğa josparlanğan Tokio olimpiadasınıñ logosı. Foto: aşıq derekköz

Japoniya prem'er-ministri Sindzo Abe Halıqaralıq olimpiada komitetine (HOK) 2020 jılğı Olimpiada oyındarın keler jılı ötkizudi wsındı.

Sindzo Abe HOK prezidenti Tomas Bahtıñ älemge taralğan koronavirus indetine baylanıstı Olimpiada oyındarın kelesi jılğa qaldıru turalı wsınıstı qabıldağanın maqwldadı. 2020 jılğı Jazğı Olimpiada Tokioda 24 şilde men 9 tamız aralığında ötui kerek edi.

Eki taraptıñ kelisimimen Olimpiada oyındarı kelesi jılğa qaldı.

«Olimpiada oyındarı mindetti türde ötedi. Sportşılar jarısqa jaqsı formada kelui üşin jäne körermenderdiñ qauipsizdigi üşin biz Olimpiada oyındarın şamamen bir jılğa  keyinge qaldıru turalı mäseleni qarastırudı wsındıq», – dedi Abe.

«Qazirgi uaqıtta DDW-nıñ bügingi aqparatına süyene otırıp, HOK prezidenti jäne Japoniya prem'er-ministri Tokio Olimpiadasın bir jılğa keyinge şegeru kerek, biraq 2021 jıldıñ jazınan keşiktirmey ötkizu kerek dep twjırım jasadı», delingen HOK-tıñ veb-saytındağı habarlamada.

Ayta keteyik, COVID-19 indetiniñ keñ taraluına baylanıstı birqatar sporttıq jarıstar uaqıtşa toqtatıldı. Bwğan deyin Avstraliya, Kanada jäne Norvegiya qwramaları eger Olimpiada oyındarın keyinge şegermese qatısudan bas tartatının aytqan bolatın.

Saqbek Mayya

"The Qazaq Times"