Resey prezidenti Vladimir Putin. Foto: AR

Reseydiñ negizgi qarjı indeksteri qwldıradı, – dep habarlaydı TASS aqparat agenttigi.

Mäskeu birjasınıñ mälimetterine säykes, Reseyde iri mwnay-gaz kompaniyalarınıñ bağalı qağazdarı 12-15%-ğa («Rosneft'», «Lukoyl», «Surgutneftegaz», «Gazprom»), twtınu sektorı 28%-ğa («M. Video», «Magnit», X5 Retail Group) tömendedi. Resey qarjı sektorınıñ bağaları da qwldıradı. Tehnologiyalıq kompaniyalardıñ akciyaları birjalıq indeksterden keyin minusqa ketti: «YAndeks» 7%, «Rostelekom» 9%.

Mosbirja indeksi 10,4%- ğa, 2436 punktke deyin, RTS indeksi 16% -ğa, 1056 punktke deyin (2019 jıldıñ qısınan beri eñ azı) tömendedi,

9 naurızda reseylik kompaniyalardıñ bağalı qağazdarı London jäne N'yu-York qor birjalarında qwladı.

Mwnay bağasınıñ rekordtıq qwldırauı Venada ötken OPEK+ elderiniñ mwnay öndirudi qısqartu turalı sätsiz kelissözderinen keyin bastalıp, narıqtağı jağday kürt tömendedi. Qwramında Resey men Qazaqstan da bar OPEK+ tobı älemde koronavirustıñ tarauına baylanıstı swranıs kemigen şaqta mwnay bağasın wstap twru üşin öndiristi azaytu turalı kelissöz jürgizgen. Biraq Kreml' öndiristi OPEK wsınğan kölemde azaytuğa kelispedi. Osıdan soñ Saud Arabiyası Aziya üşin mwnay bağasın barreline üş-tört dollarğa, AQŞ üşin jeti dollarğa deyin tüsirip jiberdi.

Qazaqstan wlttıq banki seysenbi küni bazalıq stavkanı 9,25%-dan 12%-ğa deyin kötergenin habarladı. Qazaqstan qor birjasındağı (KASE) tañerteñgi sauda qorıtındısı boyınşa, dollardıñ ortaşa bağamı 393, 5 teñge bolıp belgilendi. Bwl 6 naurızdağı kündizgi sauda sessiyasınıñ nätijesinen keyingi bağamnan 11 teñgege köp (merekege baylanıstı demalıs bolıp jariyalanğan düysenbide qor jwmıs istegen joq). Almatınıñ aqşa ayırbastau orındarında 10 naurızda AQŞ dolları kündiz şamamen 397-398 teñgeden satıldı.

"The Qazaq Times"