Körneki suret. Foto: aşıq derekköz

Keşe, 6 naurız Seulden astanağa jetkizilgen Qazaqstannıñ  93 azamatı karantinge jatqızıldı.

Densaulıq saqtau ministrliginiñ resmi ökili Dias Ahmetşärip:.

– 6 naurızda Seulden astanağa 178 jolauşı wşıp keldi. Onıñ 85-i – tranzit jolauşı. YAğni, Reseyden – 31, Özbekstannan – 51, Gruziyadan – üş jolauşı. Olar äuejaydan şıqpadı, Qazaqstan şekarasın kesip ötken joq. Kelesi reysti kütip otır. Elderine qaytadı. Qazaqstannıñ 93 azamatı, ekeui bala, elordadağı köpsalalı auruhanağa 14 künge karantinge jatqızıldı, – dep mälimdedi.

Beysenbi küni densaulıq saqtau ministri Eljan Birtanov brifingte «elde koronavirus küdigimen mıñğa tarta (naqtı 992) adam karantinge jatqızılğanın», onıñ 601-i üyde, qalğanı stacionarda ekenin habarlağan. Olardıñ arasında Qıtay azamattarı da bar.

Birqatar almatılıq belsendiler men äleumettik jeli qoldanuşıları qala auruhanasında jatqan «jüzge juıq» Qıtay azamattarın dereu öz eline qaytaruın talap etip keledi.

Bwğan deyin Oñtüstik Koreya zañsız jürgen immigranttarğa naurızdıñ soñına deyin eş kedergisiz, ayıppwlsız, deportaciyalausız jäne qara tizimge engizilmey elden ketuge "jasıl däliz" mümkindigin jariyalağan.

"The Qazaq Times"