Foto: https://narodna-pravda

Halıqarlıq valyuta qorı (HVK) COVID-19 koronavirusımen küresu üşin 50 mlrd dollar bölmek. Qarjı narıqtıq ekonomikası qalıptasıp kele jatqan kedey memleketterge kömek esebinde beriledi.

Wyımnıñ basşısı Kristalina Georgieva CNBC telaranasına bergen swhbatında: «Bizdiñ qazir istep jatqan jwmısımız - är eldiñ qarjılıq qajettilikterin taldau jäne osı resurstar turalı biletinine köz jetkizu üşin osı eldermen özara is-qimıl jasau. Sonımen, biz özara ärekettesudiñ alğaşqı satısında twrmız. Biraq swranıs tüsken kezde biz tez äreket etetinimizge sendire alamın», – dedi.

Koronavirus derti älemdik pandemiyağa aynaluı mümkin dep dabıl qaqqan Düniejüzilik densaulıq saqtau wyımı Qıtayda aurudıñ taraluı bäseñdep, odan tıs memleketterde arttı deydi. Soñğı 24 sağatta koronavirus Qıtaydan basqa memleketterde 9 esege köp anıqtalıp otır. AQŞ-tıñ Uaşington ştatınıñ özinde 121 adam virus jwqtırıp, 11 adam qaytıs bolğan. Osığan baylanıstı AQŞ Federaldı rezervtik jüyesi payızdıq mölşerlemeni jartı payızğa tömendetetinin mälimdedi. Sonımen qatar Düniejüzilik bank viruspen küresetin elderge dereu 12 mlrd dollar qarjı böletin boldı.

"The Qazaq Times"