فوتو: https://narodna-pravda

حالىقارلىق ۆاليۋتا قورى (حۆك) COVID-19 كوروناۆيرۋسىمەن كۇرەسۋ ءۇشىن 50 ملرد دوللار بولمەك. قارجى نارىقتىق ەكونوميكاسى قالىپتاسىپ كەلە جاتقان كەدەي مەملەكەتتەرگە كومەك ەسەبىندە بەرىلەدى.

ۇيىمنىڭ باسشىسى كريستالينا گەورگيەۆا CNBC تەلاراناسىنا بەرگەن سۇحباتىندا: «ءبىزدىڭ قازىر ىستەپ جاتقان جۇمىسىمىز - ءار ەلدىڭ قارجىلىق قاجەتتىلىكتەرىن تالداۋ جانە وسى رەسۋرستار تۋرالى بىلەتىنىنە كوز جەتكىزۋ ءۇشىن وسى ەلدەرمەن ءوزارا ءىس-قيمىل جاساۋ. سونىمەن، ءبىز ءوزارا ارەكەتتەسۋدىڭ العاشقى ساتىسىندا تۇرمىز. بىراق سۇرانىس تۇسكەن كەزدە ءبىز تەز ارەكەت ەتەتىنىمىزگە سەندىرە الامىن»، – دەدى.

كوروناۆيرۋس دەرتى الەمدىك پاندەمياعا اينالۋى مۇمكىن دەپ دابىل قاققان دۇنيەجۇزىلىك دەنساۋلىق ساقتاۋ ۇيىمى قىتايدا اۋرۋدىڭ تارالۋى باسەڭدەپ، ودان تىس مەملەكەتتەردە ارتتى دەيدى. سوڭعى 24 ساعاتتا كوروناۆيرۋس قىتايدان باسقا مەملەكەتتەردە 9 ەسەگە كوپ انىقتالىپ وتىر. اقش-تىڭ ۋاشينگتون شتاتىنىڭ وزىندە 121 ادام ۆيرۋس جۇقتىرىپ، 11 ادام قايتىس بولعان. وسىعان بايلانىستى اقش فەدەرالدى رەزەرۆتىك جۇيەسى پايىزدىق مولشەرلەمەنى جارتى پايىزعا تومەندەتەتىنىن مالىمدەدى. سونىمەن قاتار دۇنيەجۇزىلىك بانك ۆيرۋسپەن كۇرەسەتىن ەلدەرگە دەرەۋ 12 ملرد دوللار قارجى بولەتىن بولدى.

"The Qazaq Times"