Qıtay basşısı säuirde Japoniyağa saparlay baradı. Foto: VOA.

Qıtay basşısı Şi Jinpiñ säuir ayında Japoniyağa jasaytın sapar josparın özgertpeydi. Bwl turalı Japoniya ükimetiniñ resmi mälimdemesinde aytıldı. Bwğan deyin koronavirusqa baylanıstı Qıtay basşısınıñ Japoniyağa saparı keşiktirilui mümkin degen mälimetter tarağan.

Japoniya ükimet kabinetiniñ hatşısı jasağan mälimdemede Tokionıñ dayındıq jwmıstarı öz tärtibimen jürip jatqanın aytadı. Ol jäne: «Qıtay basşısı elimizge ondağan jılda bir ret keledi», – dedi.

Jaña koronavirusqa baylanısı Japoniyadağı köptegen sporttıq, mädeni şaralar qısqartılıp jatır. Epidemiya jağdayı twraqtanbasa Japoniyada ötetin Olimpiada oyındarı da keyinge qaldırıluı mümkin degen boljam da bar.

Biraq, soğan qaramastan Şi Jinpiñniñ Japoniya saparı josparlı uaqıtta ötpek. Särsenbi küni telefon arqılı söylesken eki eldiñ SİM basşıları da resmi sapardıñ twraqtı, josparlı uaqıtta ötkiziluine kelisken. Bwl eki eldiñ tarihi qayşılıqtardı joyıp, ekonomikalıq, sayasi qarım-qatınastı retke keltiruge jasap jatqan talpınıstarı qatarında bağalanıp keledi.

“The Qazaq Times”