كوروناۆيرۋس قىتاي باسشىسىنىڭ جاپونيا ساپارىن كەشىكتىرە المادى

قىتاي باسشىسى شي جينپيڭ ءساۋىر ايىندا جاپونياعا جاسايتىن ساپار جوسپارىن وزگەرتپەيدى. بۇل تۋرالى جاپونيا ۇكىمەتىنىڭ رەسمي مالىمدەمەسىندە ايتىلدى. بۇعان دەيىن كوروناۆيرۋسقا بايلانىستى قىتاي باسشىسىنىڭ جاپونياعا ساپارى كەشىكتىرىلۋى مۇمكىن دەگەن مالىمەتتەر تاراعان.

جاپونيا ۇكىمەت كابينەتىنىڭ حاتشىسى جاساعان مالىمدەمەدە توكيونىڭ دايىندىق جۇمىستارى ءوز تارتىبىمەن ءجۇرىپ جاتقانىن ايتادى. ول جانە: «قىتاي باسشىسى ەلىمىزگە ونداعان جىلدا ءبىر رەت كەلەدى»، – دەدى.

جاڭا كوروناۆيرۋسقا بايلانىسى جاپونياداعى كوپتەگەن سپورتتىق، مادەني شارالار قىسقارتىلىپ جاتىر. ەپيدەميا جاعدايى تۇراقتانباسا جاپونيادا وتەتىن وليمپيادا ويىندارى دا كەيىنگە قالدىرىلۋى مۇمكىن دەگەن بولجام دا بار.

بىراق، سوعان قاراماستان شي ءجينپيڭنىڭ جاپونيا ساپارى جوسپارلى ۋاقىتتا وتپەك. سارسەنبى كۇنى تەلەفون ارقىلى سويلەسكەن ەكى ەلدىڭ ءسىم باسشىلارى دا رەسمي ساپاردىڭ تۇراقتى، جوسپارلى ۋاقىتتا وتكىزىلۋىنە كەلىسكەن. بۇل ەكى ەلدىڭ تاريحي قايشىلىقتاردى جويىپ، ەكونوميكالىق، ساياسي قارىم-قاتىناستى رەتكە كەلتىرۋگە جاساپ جاتقان تالپىنىستارى قاتارىندا باعالانىپ كەلەدى.

“The Qazaq Times”