Dempartiya jiınında qarttar jasına qaramay jappay wstaldı. Almatı qalası. 22 aqpan 2020 jıl. Foto: QT

Bügin Almatınıñ «Astana» alañında sağat 11:00 şamasında Dempartiyanıñ wyımdastıru-bastamaşıl tobı ökilderin policiya küştep wstap äketti. Eñ soñı bolıp wstalğan jurnalist Inga Imanbay arada 15-20 minut ötkennen keyin qayta bosatıldı. 

Jurnalist, Jas Alaş gazetiniñ redaktorı Inga Imanbay tilşi äri ayağı auır bolğanına qaramastan, policiya köligi joldıñ ortasınan qarsı betke bwrılıp, Medeu audanınıñ policiya bölimşesine bet alğan onı otırğazıp alıp ketti. 15-20 minut şamasında Imanbaydı alañda bosattı.

Jurnalist Inga Imanbay. Almatı qalası. 22 aqpan 2020 jıl. Foto: QT

Tañerteñ alañğa bağıt alğan 70 şaqtı belsendiniñ wstalğanı mälim boldı. Olar «Janbolat Mamayğa bostandıq!» dep wrandattı. Alañdağı «Äliya-Mänşük» eskertkişi aldına jinalğan top ökilderi bilikti sınğa alğan bolatın. Sayasatker Tölegen Jükeev: «Bilik partiyanı tirketpeu üşin bar amaldı jasap otır, mwnıñ barlığı Nwrswltan Nazarbaevtıñ tapsırmasımen jasalıp jatır. Toqaevta bilik joq, halıqtı köşege şığarmau arqılı bilik rejimniñ ömirin sozğısı keledi», – dedi.

Arnayı jasaq. Almatı qalası. 22 aqpan 2020 jıl. Foto: QT

22 aqpanğa qarağan tüni bastamaşıl top jetekşisi Janbolat Mamaydı äkimşilik sot «rwqsat etilmegen mitingige şaqırdı» degen ayıppen üş täulikke qamadı.

Qarttar jappay wstaldı. Almatı qalası. 22 aqpan 2020 jıl. Foto: QT

Demokratiyalıq partiya qwruşılar bügin, yağni 22 aqpanda partiyanıñ alğaşqı s'ezd ötkizudi josparlağan. Alayda öñirlerdegi qozğalıs belsendileriniñ negizsiz jappay wstaluı sebepti s'ezd ötkizuden bas tartıp, jäne onıñ ornına beybit şeru ötkizetinderin jariyalağan edi.

Wstau barısınan. Almatı qalası. 22 aqpan 2020 jıl. Foto: QT

Soñğı kezderi «Halıq ünine qwlaq asatın memleket» qwrudı közdeytin prezident Qasım-Jomart Toqaevtıñ söz erkindigine rwqsat beretin kepildigi miting qarsañında öz küşin joğalta bastadı. Facebook jelisindegi azamattıq bastamağa  monitoring jürgizuşisi #IHaveAChoise #ActivistsNotExtremists  jäne  adam qwqığın qorğauğa arnalğan Qaharman tobı miting qarsañında, aqpan ayınıñ  6-21 aralığında 15 qaladağı 64 belsendige policiya tarapınan ärtürli şara qoldanılğanın jariyaladı.

Medeu audandıq policiya bölimşesine bet alğan jurnalist Inga Imanbaydıñ qasına eruşi jaqtastarı tügel wstaldı. Almatı qalası. 22 aqpan 2020 jıl. Foto: QT

Äleumettik jelilerde birazdan beri eks-bankir, quğındağı oppoziciyalıq sayasatker Mwhtar Äblyazov jetekşilik etetin, elde ekstremistik wyım retinde tanılıp,  qızmetine tıyım salınğan «Qazaqstannıñ demokratiyalıq tañdauı»  qozğalısı internet arqılı azamattardı 22 aqpanğa jappay mitingige şaqırıp keledi. Äblyazovtiñ jwrtşılıqtı mitingige ündeuimen qatar jarısa profilakikağa qamdanatın İİM qoğamda «basqaşa oylaytın» belsendilerdi ärtürli ayıptarmen üyde nemese izolyatorda qamauda wstaudı ädetke aynaldırğan.

Qariyalardı da küştep wstap jattı. Almatı qalası. 22 aqpan 2020 jıl. Foto: QT

Toqaev ötken jılı 5-6 jeltoqsandağı Germaniya eline memlekettik jwmıs saparı qarsañında jeltoqsannıñ 4-i  Deutsche Welle  nemis basılımınıñ tilşisi Janna Nemcovağa bergen swhbatında « Büginde jeke piket jasağanı üşin eşkim jazalanbaydı» degen bolatın. Sonday-aq bıltır küzdiñ basında memleket basşısı Toqaev Qazaqstan halqına arnağan joldauında «Halıq ünine qwlaq asatın memleket» twjırımdamasın tanıstırğan edi. Bwl «azamattardıñ barlıq sındarlı ötiniş-tilekterin jedel äri tiimdi qarastıratının» aytqan prezidenttiñ sözi men isiniñ teñdigi turalı qoğam pikiri är aluan. Toqaev twñğış joldauında:

«Bilik pen qoğam arasında twraqtı dialog ornatu arqılı ğana qazirgi geosayasi ahualğa beyimdelgen üylesimdi memleket qalıptastıruğa boladı. Sondıqtan azamattıq qoğamğa qoldau körsetip, onıñ äleuetin nığayta tüsu kerek. Sonday-aq, asa mañızdı jalpı memlekettik mindetterdi şeşu üşin talqılau jwmıstarına azamattıq qoğamnıñ mümkindikterin keñinen qoldanu qajet», – degen bolatın.

Bir-birin qoltıqtasqan arnayı jasaq tizbegi. Almatı qalası. 22 aqpan 2020 jıl. Foto: QT

Dempartiya jaqtastarı "Janbolat Mamayğa bostandıq berilsin" dep wrandastı. Almatı qalası. 22 aqpan 2020 jıl. Foto: QT

Belsendilerdiñ jolın bögep twrğan äskeri qızmetker. Almatı qalası. 22 aqpan 2020 jıl. Foto: QT

Inga Imanbaydı wstau säti. Almatı qalası. 22 aqpan 2020 jıl. Foto: QT

Jurnalist policiya köliginiñ işinde. Almatı qalası. 22 aqpan 2020 jıl. Foto: QT

Arada 15 minut ötpey jurnalist Inga Imanbay qayta bosatıldı. Almatı qalası. 22 aqpan 2020 jıl. Foto: QT

Jurnalistika salasında wzaq jıldar wstazdıq etken qariya jurnalisterge jasalğan qısımğa qınjılatının jetkizdi. Almatı qalası. 22 aqpan 2020 jıl. Foto: QT

Alañ aymağında jurnalisterdiñ kuäligin qayta-qayta tekserip, eskertu jasap jatqan policeyler eş rwqsatsız kuälikti suretke tüsirip alıp jatır. Almatı qalası. 22 aqpan 2020 jıl. Foto: QT

 

“The Qazaq Times”