Foto: https://f.azh.kz

Qazaqstanda «Aşıq aspan» rejimi ayasında jaña 14 halıqaralıq äue reysi aşıladı. Bwl turalı QR Industriya jäne infraqwrılımdıq damu ministrliginiñ habarladı.

Vice-ministr Berik Qamaliev: «Halıqaralıq bağıttardağı bäsekeni arttıru jäne aviabiletterdiñ qwnın arzandatu maqsatında ötken jıldıñ 1 qaraşasında QR Prezidentiniñ tapsırmasımen elimizdiñ 11 äuejayında «aşıq aspan» rejimi engizildi. Büginde Qazaqstan 26 elmen 99 halıqaralıq bağıt boyınşa äue qatınasın jüzege asıruda», – deydi.

Vedomstvonıñ aytuınşa, «Aşıq aspan» rejimin engizu turizmniñ damuına, «Astana» halıqaralıq qarjı ortalığınıñ köliktik qoljetimdilikti arttıruğa, jaña şeteldik tasımaldauşılardı tartuğa, jaña halıqaralıq bağdarlardıñ aşıluına, aviabiletter qwnınıñ tömendeuine jäne äue köliginiñ halıqtıñ qalıñ tobına qoljetimdi boluına ıqpal etedi.

Osı rette Qatar Airways, LOT, Salam Air, Jazeera Airways, Air Asia jäne basqa da iri kompaniyalar astana men Almatını Doha, Maskat, Kuala-Lumpur jäne basqa da qalalarmen baylanıstıradı. Sonımen qatar biıldan bastap Air Astana äue kompaniyası Almatı-Parij, Almatı-Mumbay bağıtı boyınşa jaña reys aşudı josparlap otır.

Ayta keteyik, 2019 jıldıñ basınan beri qazaqstandıq jäne şeteldik äue kompaniyaları 12 halıqaralıq äue reysin aştı. Halıqqa joldauında äue bileti bağasınıñ qımbat ekenin aytqan prezident Qasım-Jomart Toqaev osı mäseleni şeşu jöninde bwyrıq bergen bolatın. Keyinnen sol kezdegi QR Industriya jäne infraqwrılımdıq damu ministri Roman Sklyar prezidenttiñ «wşaq bileti qımbat» degen sınına qatıstı mäseleniñ retteletinin aytqan.

"The Qazaq Times"