Körneki suret. Qazaqstan prezidenti Qasım-Jomart Toqaev jäne Qırğızstan basşısı Sooronbay Jeenbekov. Foto: http://kabar.kg

Qazaqstan Qırğızstandı Europalıq odaqtıñ «qara tiziminen» şığuğa kömektespek.

Europalıq odaqtıñ Qırğızstandı «qara tizimge» engizgenine 13 jıl boldı. Europadağı qauipsizdik standartarına säykestendiru boyınşa qoyılğan bastı talaptıñ biri – wşqıştar dayındığı bolatın. Sol sebepti Qırğızstannıñ wşqıştarı Qarağandıdağı aviaciyalıq-jattıqtıru ortalığınan bilim jetildirmek.

Qırğız aviaciyalıq institutınıñ direktorı Ulan Kurmanov: «Şeteldegi birneşe oqu ornın qarastırdıq. Atap aytsaq, Türkiya, Baltıq elderi, Resey men Qazaqstan arasında tañdau jasaLDI. Bağası men sapası jäne bizdiñ jağdayımızğa säykestigi jağınan Qazaqstanğa toqtaldıq. Qaragandıda memlekettik tapsırıspen wşqıştardı dayındaytın oqu ortalığı bar. Bizde onday memlekettik tapsırıs joq»,– deydi.

Resmi mälimetter boyınşa, soñğı 3 jılda Qarağandıdağı aviaciyalıq-jattıqtıru ortalığı Qırğızstan üşin 19 wşqıştı dayındap şığardı. Olardıñ köbi öz elinde jwmıs isteydi. Törteui reseylik äue kompaniyalardan jwmıs tapqan. Biıl küzde Qırğızstan «qara tizimnen» şığu bağdarlamasınıñ 29 babın orındağanı turalı Euroodaqqa esep berdi. Degenmen, sarapşılardıñ aytuınşa, kelesi jılı da Euroodaq Qırğızstandı «qara tizimnen» şığarmaydı. Bwl üşin köp uaqıt qajet.

Aviaciya mäselesin şeşu maqsatında Qırğızstan ükimeti bıltır «aşıq aspan» sayasatın engizgen. Şeteldik äue tasımaldauşılardan investiciya tartqannan keyin elde jaña 4 äue reysi aşılğan.

"The Qazaq Times"