Eski ädet: Däuren Abaev internettiñ bwğattaluı turalı

Almatıda aqparat jäne qoğamdıq damu ministriniñ qatısuımen ötken miting turalı azamattıq belsendiler jiınınan soñ, Däuren Abaev internettiñ bwğattaluı turalı pikir bildirdi.

Beybit şeru-piket ötkizu jäne wyımdastıru tärtibi jönindegi zañdı jetildiru mäselesi şiki talqılanğannan keyin aqparat ministri Abaev jurnalisterge swhbat berdi. Ol soñğı birneşe kün boyı internet keñistigindegi negizgi resurstarğa kirudiñ qiındauına atalğan vedomstvonıñ eş qatısı joqtığın mälimdedi.

Ministirdiñ aytuınşa, «internettiñ nelikten bwğattalğanın sol salağa qwzıreti bar organnan swrau kerek. Al, aqparat jäne qoğamdıq ministrliginiñ baylanıs salasındağı qwzırı osıdan bir jıl bwrın alınıp qalğan».

Degenmen qordalanğan qalıñ swraqtıñ astında qalğan Abaev internet baylanısın bwğattau ne qayta qalpına keltiruge jauaptı vedomstvonıñ atın atamadı.

Keşe, 16 aqpan Aqorda hatşısı Berik Uäli facebook jelisindegi resmi parağında «prezident Qasım-Jomart Toqaev Myunhende jwmıs saparımen jürgende Qazaqstannıñ internet jelisindegi aqau jayında habardar boldı. Memleket basşısı barlıq aqparattıq resurstardıñ jwmısın qalpına keltirudi tapsırdı» dep jazğan edi.

Ötken aptanıñ beysenbisi, yağni 13 aqpan keşkisinen beri Qazaqstanda Telegram messendjerine hat almasu mümkindigi kidiriñkiredi. Tipti wyalı baylanıs operatorları men internet-provayderler arqılı qoldanu qiındadı. Är kezde ärqalay bolmaşı mezgilge, birneşe minut qana qoljetimdi boldı. Keyinnen qızmet qayta üzildi.

Al jeksenbide eldegi Google izdeu jüyesine, Gmail poştasına, YouTube videohostiñine kiru qiındap, Android twtınatın qazaqstandıqtardıñ PlayMarket qızmeti bwğattaldı. Tüs aua, sağat 15: 00-den keyin barlıq resurs qayta qoljetimdi boldı.

Bwl eldegi internettiñ birinşi ret bwğattaluı emes. Ärtürli özekti sayasi oqiğalar twsında nemese sankciyalanbağan jiın-mitingter kezinde eşqanday recmi mälimdeme-eskertusiz internet qızmetin qoldanu qiındap, TOR resurstar bwğatalıp jatadı.

"The Qazaq Times"