Foto: aşıq derekköz

AQŞ «Soltüstik ağın – 2» gaz qwbırınıñ qwrılısına qauippen qaraydı jäne atalğan jobanı ayaqtauğa Reseydiñ tehnologiyalıq mümkindigi joq dep sanaydı.

Myunhendegi qauipsizdik jönindegi konferenciyada AQŞ Energetika ministri Resey bastamasımen jüzege asatın joba qwrılısı qayta jalğassa, Amerika tarapınan şekteu şaraları qarastırıladı dep mälimedi. Al AQŞ Memlekettik hatşısı Mayk Pompeonıñ aytuınşa, atalğan joba – taza kommerciyalıq joba emes, sayasi qwral. Resey geosayasi bağdarlamanı ilgeriletu üşin energiya tasımaldauşılardı qoldanbaq.

Reseylik «Gazprom» «Soltüstik ağıs-2» konsorciumın basqaradı. 11 mlrd dollar bolatın qwrılıs biıl ayaqtaluı kerek. Qwbır jwmıstarı Resey gazınıñ Germaniyağa Ukraina aumağın aynalıp ötu kölemin eki ese arttıru maqsatında qolğa alınğan. Biraq joba Amerika sankciyasınan keyin uaqıtşa toqtatıldı. Qwrılıs tolığımen ayaqtaluı üşin äli 100 şaqırımnan astam jerge qwbır jürgizu kerek. Bwğan deyin Resey biligi 2020 jıldıñ soñı nemese 2021 jıldıñ ayağında jobanıñ qwrılısı ayaqtaladı dep habarlağan.

"The Qazaq Times"