فوتو: اشىق دەرەككوز

اقش «سولتۇستىك اعىن – 2» گاز قۇبىرىنىڭ قۇرىلىسىنا قاۋىپپەن قارايدى جانە اتالعان جوبانى اياقتاۋعا رەسەيدىڭ تەحنولوگيالىق مۇمكىندىگى جوق دەپ سانايدى.

ميۋنحەندەگى قاۋىپسىزدىك جونىندەگى كونفەرەنتسيادا اقش ەنەرگەتيكا ءمينيسترى رەسەي باستاماسىمەن جۇزەگە اساتىن جوبا قۇرىلىسى قايتا جالعاسسا، امەريكا تاراپىنان شەكتەۋ شارالارى قاراستىرىلادى دەپ مالىمەدى. ال اقش مەملەكەتتىك حاتشىسى مايك پومپەونىڭ ايتۋىنشا، اتالعان جوبا – تازا كوممەرتسيالىق جوبا ەمەس، ساياسي قۇرال. رەسەي گەوساياسي باعدارلامانى ىلگەرىلەتۋ ءۇشىن ەنەرگيا تاسىمالداۋشىلاردى قولدانباق.

رەسەيلىك «گازپروم» «سولتۇستىك اعىس-2» كونسورتسيۋمىن باسقارادى. 11 ملرد دوللار بولاتىن قۇرىلىس بيىل اياقتالۋى كەرەك. قۇبىر جۇمىستارى رەسەي گازىنىڭ گەرمانياعا ۋكراينا اۋماعىن اينالىپ ءوتۋ كولەمىن ەكى ەسە ارتتىرۋ ماقساتىندا قولعا الىنعان. بىراق جوبا امەريكا سانكتسياسىنان كەيىن ۋاقىتشا توقتاتىلدى. قۇرىلىس تولىعىمەن اياقتالۋى ءۇشىن ءالى 100 شاقىرىمنان استام جەرگە قۇبىر جۇرگىزۋ كەرەك. بۇعان دەيىن رەسەي بيلىگى 2020 جىلدىڭ سوڭى نەمەسە 2021 جىلدىڭ اياعىندا جوبانىڭ قۇرىلىسى اياقتالادى دەپ حابارلاعان.

"The Qazaq Times"