ميۋنحەندە مەملەكەتتىك جۇمىس ساپارىمەن جۇرگەن پرەزيدەنت توقاەۆ قازاقستانداعى ينتەرنەتكە قاتىستى اقاۋدى قالىپقا كەلتىرۋدى تاپسىردى.
بۇل جونىندە اقوردانىڭ حاتشىسى، پرەزيدەنت ءباسپاسوز قىزمەتىنىڭ باسشىسى بەرىك ءۋالي facebook جەلىسىندەگى رەسمي پاراعىندا جازدى:
«پرەزيدەنت قاسىم-جومارت توقاەۆ ميۋنحەندە (گەرمانيا) جۇمىس ساپارىمەن جۇرگەندە قازاقستاننىڭ ينتەرنەت جەلىسىندەگى اقاۋ جايىندا حاباردار بولدى.
مەملەكەت باسشىسى بارلىق اقپاراتتىق رەسۋرستاردىڭ جۇمىسىن قالپىنا كەلتىرۋدى تاپسىردى».
وتكەن اپتانىڭ بەيسەنبىسى، ياعني 13 اقپان كەشكىسىنەن بەرى قازاقستاندا Telegram مەسسەندجەرىنە حات الماسۋ مۇمكىندىگى كىدىرىڭكىرەدى. ءتىپتى ۇيالى بايلانىس وپەراتورلارى مەن ينتەرنەت-پروۆايدەرلەر ارقىلى قولدانۋ قيىندادى. ءار كەزدە ارقالاي بولماشى مەزگىلگە، بىرنەشە مينۋت قانا قولجەتىمدى بولدى. كەيىننەن قىزمەت قايتا ءۇزىلدى.
ال جەكسەنبىدە ەلدەگى Google ىزدەۋ جۇيەسىنە، Gmail پوشتاسىنا، YouTube ۆيدەوحوستيڭىنە كىرۋ قيىنداپ، Android تۇتىناتىن قازاقستاندىقتاردىڭ PlayMarket قىزمەتى بۇعاتتالدى. ءتۇس اۋا، ساعات 15: 00-دەن كەيىن بارلىق رەسۋرس قايتا قولجەتىمدى بولدى.
بۇل ەلدەگى ينتەرنەتتىڭ ءبىرىنشى رەت بۇعاتتالۋى ەمەس. ءارتۇرلى وزەكتى ساياسي وقيعالار تۇسىندا نەمەسە سانكتسيالانباعان جيىن-ميتينگتەر كەزىندە ەشقانداي رەمي مالىمدەمە-ەسكەرتۋسىز ينتەرنەت قىزمەتىن قولدانۋ قيىنداپ، تور رەسۋرستار بۇعاتالىپ جاتادى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى