Körneki suret. Foto: aşıq derekköz

WQK-niñ şekara qızmeti baspasöz ökildiginiñ habarlauınşa, Qazaqstan-Qırğızstan şekarasındağı «Qorday» köpbağıttı keden beketi jöndeu jwmısına baylanıstı 20 aqpannan bastap jabılmaq.  

Beketti qayta qalpına keltiru jwmısı qaşan ayaqtaları äzirge belgisiz.

«20 aqpannan bastap qazaqstandıq taraptan «Qorday», al qırğızstandıq taraptan «Aq jol» ötkizu beketi jabıladı. Ol jerde qayta qalpına keltiru jwmıstarı jürgiziledi. Jöndeu jwmıstarı qanşa uaqıtqa sozılatını äzirge belgisiz», a – dedi şekara qızmeti baspasöz qızmetiniñ basşısı Qanatbek Swltanov.

Eki eldiñ azamattarına kün sayın tañğı 06.00-den tüngi 00.00-ge deyin şekaradan jayau ötuge rwqsat etiledi. Alayda olar tek qol jügin alıp öte aladı.

Jöndeu jwmıstarınan keyin «Qordayda» wzın-sonar kezek azayıp, qazaqstandıqtar üşin şekaradan ötu jeñildey tüspek. "Qorday" avtokölik ötkizu beketi Jambıl oblısı Qorday audanı Qorday auıldıq okruginiñ aumağında ornalasqan.

Qazir eki el arasında 11 avtokölik ötkizu punkti bar. Olardıñ beseui – köpjaqtı halıqaralıq, al altauı – ekijaqtı.

“The Qazaq Times”